ແຂວງ ບໍ່ແກ້ວ

ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທໍາເມືອງ ຕົ້ນເຜິ້ງໂຄສະນາເຜີຍແຜ່ກົດໝາຍໃຫ້ນ້ອງນັກຮຽນ

          ໃນຕອນແລງຂອງວັນທີ່ 26 ມີນາ 2021 ຜ່ານມາ ຢູ່ທີ່ສະໂມສອນເມືອງ ຕົ້ນເຜິ້ງ ທ່ານ ສາຍຄຳ ຄຳປະເສີດ ກຳມະການພັກເມືອງ ຫົວໜ້າຫ້ອງການຍຸຕິທຳເມືອງ ຕົ້ນເຜິ້ງ ພ້ອມວິຊາການ ໄດ້ລົງໂຄສະນາເຜີຍແຜ່ລັດຖະທຳມະນູນ ແຫ່ງ ສປປ ລາວ ແລະ ບາງມາດຕາຂອງກົດໝາຍວ່າດ້ວຍການຈະລາຈອນທາງບົກ, ກົດໝາຍວ່າດ້ວຍຢາເສບຕິດ ແລະ ກົດໝາຍອື່ນໆໃຫ້ນ້ອງໆນັກຮຽນຊັ້ນມໍ 7 ຂອງ ມສ ເມືອງ ຕົ້ນເຜິ້ງ ຊຶ່ງມີນ້ອງນັກຮຽນເຂົ້າຮ່ວມຮັບຟັງທັງໝົດ 147 ນ້ອງ, ຍິງ 75 ນ້ອງ.

ພະແນກຍຸຕິທຳແຂວງ ບໍ່ແກ້ວ ປາຖະກະຖາ ລະນຶກ 2 ວັນສຳຄັນປະຫວັດສາດຂອງພັກຂອງຊາດ

          ໃນຕອນເຊົ້າຂອງວັນທີ 29 ມີນາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດພິທີປາຖະກະຖາລະນຶກ ວັນຄຽດແຄ້ນຂອງປະຊາຊົນລາວ, ວັນນັກຮົບເສຍອົງຄະ ແລະ ເສຍສະລະຊິວີດ ເພື່ອປະເທດຊາດ ຄົບຮອບ 75 ປີ (21 ມີນາ 1946-21ມີນາ 2021 ) ແລະ ວັນສ້ງຕັ້ງພັກປະຊາຊົນ ປະຕິວັດລາວ ຄົບຮອບ 66 ປີ ( 22 ມີນາ 1955-22 ມີນາ 2021 ) ໂດຍການເປັນປະທານ ແລະ ໃຫ້ກຽດເລົ່າຄືນມູນເຊື້ອຂອງ ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ, ມີຄະນະພັກ-ຄະນະພະແນກ, ມີສະມາຊິກພັກ ແລະ ພະນັກງານລັດຖະກອນເຂົ້າຮ່ວມ.

ໜ່ວຍຊາວໜຸ່ມພະແນກຍຸຕິທຳແຂວງ ບໍ່ແກ້ວ ສ້າງຂະບວນການອອກແຮງານ ຕ້ອນຮັບວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ

          ໃນຕອນເຊົ້າຂອງວັນທີ 19 ມີນາ 2021 ຜ່ານມາ ໜ່ວຍຊາວໜຸ່ມພະແນກຍຸຕິທໍາແຂວງ ບໍ່ແກ້ວ ໄດ້ສ້າງຂະບວນອອກແຮງງານລວມຕາມເສັ້ນທາງເທດສະບານແຂວງ ທີ່ຢູ່ໃນຄວາມຮັບຜິດຊອບຂອງຕົນ ນໍາພາໂດຍ ສະຫາຍ ນາງ ສີພອນ ແອ່ນວິໄລ ເລຂາຊາວໜຸ່ມ ມີສະມາຊິກຊາວໜຸ່ມພາຍໃນພະແນກຍຸຕິທຳເຂົ້າຮ່ວມຢ່າງພ້ອມພຽງ.

ບ້ານ ຫ້ວຍຫອນ ເມືອງ ຕົ້ນເຜິ້ງ ເປັນບ້ານແບບຢ່າງປະຕິບັດກົດໝາຍ

          ໃນຕອນເຊົ້າວັນທີ 11 ມີນາ 2021 ຢູ່ທີ່ສະໂມສອນບ້ານ ຫ້ອຍຫອມ ໄດ້ມີພິທີປະກາດຮັບຮອງຄອບຄົວ ແລະ ບ້ານແບບຢ່າງປະຕິບັດກົດໝາຍຂຶ້ນ ໂດຍການເຂົ້າຮ່ວມເປັນປະທານຂອງທ່ານ ນາງ ສາຍຊົນ ອຸ່ນອົກ ຄະນະປະຈຳພັກເມືອງ, ຮອງເຈົ້າເມືອງ ຕົ້ນເຜິ້ງ, ມີທ່ານ ສີສະອາດ ກຸມພົນ ກຳມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ນາງ ມະນີຈັນ ຜົນປະເສີດ ຮອງຫົວໜ້າຫ້ອງການຍຸຕິທຳເມືອງ, ມີອົງການຈັດຕັ້ງບ້ານ, ນາຍບ້ານ, ຄະນະພັກຮາກຖານ, ຕະຫຼອດຮອດພໍ່-ແມ່ປະຊາຊົນ ແລະ ແຂກຖືກເຊີນເຂົ້າຮ່ວມ.

ພະແນກຍຸຕິທຳແຂວງ ບໍ່ແກ້ວ ຈັດກອງປະຊຸມທາບທາມບຸກຄະລາກອນ

          ໃນວັນທີ 5 ມີນາ 2021 ຜ່ານມານີ້ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ຈັດກອງປະຊຸມທາບທາມຕໍາແໜ່ງ ຫົວໜ້າຂະແໜງ ໂດຍການເປັນປະທານຂອງທ່ານ ຄຳຫຼ້າ ອຸດທະຍອດ ຫົວໜ້າພະແນກຍຸຕິທຳແຂວງ, ມີຄະນະຮັບຜິດຊອບຂັ້ນແຂວງ, ຄະນະພະແນກ, ພ້ອມດ້ວຍພະນັກງານ-ລັດຖະກອນເຂົ້າຮ່ວມ.

ນາຍ ແລະ ພົນທະຫານກອງບັນຊາການ ປກຊ ແຂວງ ບໍ່ແກ້ວໄດ້ຮັບຟັງການໂຄສະນາເຜີຍແຜ່ນິຕິກຳ

          ໃນວັນທີ 4 ກຸມພາ 2021 ຢູ່ທີ່ສະໂມສອນຂອງກອງບັນຊາການທະຫານແຂວງ ບໍ່ແກ້ວ ໄດ້ຈັດພິທີໂຄສະນາເຜີຍແຜ່ນິຕິກຳ ໃຫ້ກອງບັນຊາການທະຫານແຂວງ ບໍ່ແກ້ວ ໂດຍການເປັນປະທານຮ່ວມຂອງ ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທຳແຂວງ ແລະ ທ່ານ ພັ.ທ ເນັງສີດາ ເບຼຍລີມົວ ຫົວໜ້າຫ້ອງການບັນຊາ ກອງບັນຊາການທະຫານແຂວງ ມີ ຄະນະພັກ, ຄະນະບັນຊາ, ຫົວໜ້າພະແນກ, ຮອງພະແນກ, ນາຍ ແລະ ພົນທະຫານເຂົ້າຮ່ວມທັງໝົດຈຳນວນ 80 ທ່ານ, ຍິງ 10 ທ່ານ.

ສະມາຊິກກຳມະບານຂອງພະແນກຍຸຕິທຳແຂວງ ບໍ່ແກ້ວ ສ້າງຂະບວນການແຂ່ງຂັນກິລາເປຕັງ.

          ກຳມະບານຮາກຖານ ພະແນກຍຸຕິທຳແຂວງ ບໍ່ແກ້ວ ໄດ້ຈັດການແຂ່ງຂັນກິລາເປຕັງຂຶ້ນ ໃນວັນທີ 29 ມັງກອນ 2021  ໃຫ້ກຽດເຂົ້າຮ່ວມໂດຍ ທ່ານ ຄໍາຫຼ້າ ອຸດທະຍອດ ຫົວໜ້າພະແນກຍຸຕິທໍາແຂວງ ບໍ່ແກ້ວ, ມີຄະນະພັກ, ຄະນະພະແນກ, ປະທານກຳມະບານຮາກຖານພະແນກຍຸຕິທຳ, ພ້ອມດ້ວຍສະມາຊິກກຳມະບານພາຍໃນພະແນກຍຸຕິທຳຍຸຕິທຳເຂົ້າຮ່ວມຢ່າງພ້ອມພຽງ.

ກໍາມະບານຮາກຖານພະແນກຍຸຕິທຳແຂວງ ບໍ່ແກ້ວ ປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ

          ໃນຕອນບ່າຍຂອງວັນທີ 28 ມັງກອນ 2021 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ ( 01 ກຸມພາ 1965 – 01 ກຸມພາ 2021 ) ເຜີຍແຜ່ຜົນສໍາເລັດຂອງກອງປະຊຸມໃຫຍ່ຜູ້ແທນກຳມະບານແຂວງ ບໍ່ແກ້ວ ຄັ້ງທີ VIII ແລະ ການຍ້ອງຍໍ ປະຈໍາປີ 2019. ພາຍໃຕ້ການເປັນປະທານຂອງທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ ປະທານສະຫະພັນກໍາມະບານຮາກຖານພະແນກຍຸຕິທຳແຂວງ ມີສະມາຊິກກຳມະບານພາຍໃນພະແນກຍຸຕິທຳເຂົ້າຮ່ວມທັງໝົດ 29 ທ່ານ, ຍິງ 14 ທ່ານ.

ບ້ານ ນໍ້າແສວ ເມືອງ ຫ້ວຍຊາຍ ແຂວງ ບໍ່ແກ້ວ ປະກາດບ້ານແບບຢ່າງປະຕິບັດກົດໝາຍ

          ໃນຕອນເຊົ້າຂອງວັນທີ 20 ມັງກອນ 2021 ຜ່ານມານີ້ ຢູ່ທີ່ຫໍປະຊຸມບ້ານ ນໍ້າແສວ ເມືອງ ຫ້ວຍຊາຍ ແຂວງ ບໍ່ແກ້ວ ໄດ້ຈັດພິທີປະກາດເປັນບ້ານແບບຢ່າງປະຕິບັດກົດໝາຍຂຶ້ນ ພາຍໃຕ້ການເປັນປະທານຂອງທ່ານ ບຸນຄົງ ວົງຄຳຈັນ ຮອງເລຂາພັກເມືອງ, ປະທານກວດກາພັກ, ປະທານອົງການກວດກາລັດ ມີທ່ານ ອຳພອນ ລໍມີໄຊ ກຳມະການພັກເມືອງ ຜູ້ຊີ້ນຳກຸ່ມ, ທ່ານ ວິໄລສັກ ເພັດມະໄລແສງ ຫົວໜ້າຫ້ອງການຍຸຕິທຳເມືອງ ຫ້ວຍຊາຍ, ຄະນະພັກຮາກຖານບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ, ຄະນະຮັບຜິດຊອບ ແຂກຖຶກເຊີນ ແລະ ພໍ່,ແມ່ ປະຊາຊົນພາຍໃນບ້ານເຂົ້າຮ່ວມທັງໝົດ 96 ທ່ານ, ຍິງ 48 ທ່ານ.

ເມືອງ ເມິງ ຈັດພິທີມອບໃບຢັ້ງຢືນຄອບຄົວແບບຢ່າງປະຕິບັດກົດໝາຍ ປະຈຳປີ 2020

          ໃນລະຫວ່າງວັນທີ 12-14 ມັງກອນ 2021 ຜ່ານມານີ້, ເມືອງ ເມິງ ແຂວງ ບໍ່ແກ້ວ ໄດ້ຈັດພິທີມອບໃບຢັ້ງຢືນຄອບຄົວແບບຢ່າງປະຕິບັດກົດໝາຍ ປະຈຳປີ 2020 ໃຫ້ແກ່ 5 ບ້ານ ຂອງກຸ່ມນ້ຳເມິງ ຄື: ບ້ານ ນ້ຳເມິງ, ບ້ານ ລາດຄູນເມືອງ, ບ້ານ ໂພນສະຫວ່າງ, ບ້ານ ຫ້ວຍທາດ ແລະ ບ້ານ ໂພນຈະເລີນ.

Pages