ແຂວງ ຊຽງຂວາງ

ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີມອບ-ຮັບຮັກສາການຮອງຫົວໜ້າຫ້ອງການຍຸຕິທຳເມືອງພູກູດ

          ໃນຕອນເຊົ້າຂອງວັນທີ່ 6 ມັງກອນ 2021 ຜ່ານມານີ້ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງຊຽງຂວາງ ພ້ອມດ້ວຍຄະນະໄດ້ເຂົ້າຮ່ວມພິທີ ມອບ-ຮັບ ຮັກສາການຮອງຫົວໜ້າຫ້ອງການຍຸຕິທຳຜູ້ໃໝ່ ແລະ ຮັກສາການຮອງຫົວໜ້າຫ້ອງການຍຸຕິທຳຜູ້ເກົ່າ ເຂົ້າຮ່ວມພິທີມີ ທ່ານ ສຸລິສາ ຈັນທະປັນຍາ ກຳມະການພັກເມືຶອງ ຜູ້ຊີ້ນຳວຽກງານກົດໝາຍ ມີບັນດາຄະນະປະຈຳພັກເມືອງ, ກຳມະການ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ ພ້ອມດ້ວຍພະນັກງານ-ລັດຖະກອນ ພາຍໃນຫ້ອງການຍຸຕິທຳເມືອງ ເຂົ້າຮ່ວມຈຳນວນ 16 ຄົນ, ຍິງ 3 ຄົນ.

ການລົງເຜີຍແຜ່ກົດໝາຍ ໂຮງຮຽນ ມສ ໂພນສະຫວັນ.

ໃນວັນທີ 30 ທັນວາ 2020 ທີ່ຜ່ານມາ ພະແນກຍຸຕິທຳແຂວງ ຊຽງຂວາງ ລົງໂຄສະນາເຜີຍແຜ່ກົດໝາຍໃຫ້ນັກຮຽນຊັ້ນ ມ 7/7-7/9 ມສ ໂພນສະຫວັນ ນຳພາໂດຍ ທ່ານ ວັນໄຊ ກືຫວັງເນັ້ງ ຮອງຫົວໜ້າ ພະແນກຍຸຕິທຳແຂວງ ພ້ອມດ້ວຍຄະນະ ຊຶ່ງໄດ້ນຳເອົາ ພາລະບົດບາດຂອງພະແນກຍຸຕິທຳ, ອົງການໄອຍະການປະຊາຊົນ, ສານປະຊາຊົນ, ບາງມາດຕາຂອງກົດໝາຍ ແລະ ດຳລັດເລກທີ 77 ຂອງລັດຖະບານ ລົງວັນທີ 28 ກຸມພາ 2018 ວ່າດ້ວຍການຊ່ວຍເຫຼືອທາງດ້ານກົດໝາຍ ແມ່ນການໃຫ້ບໍລິການທາງດ້ານກົດໝາຍ ໂດຍບໍ່ຄິດຄ່າ ແກ່ຜູ້ທຸກຍາກ, ຜູ້ດ້ອຍໂອກາດ, ຄົນພິການ, ເດັກທີ່ຕ້ອງການການປົກປ້ອງພິເສດ, ຜູ້ກະທຳຜິດທີ່ກົດໝາຍກຳນົດໃຫ້ມີທະນາຍຄວາມເຂົ້ົ້າໄປຊ່ວຍເຫຼຶອ, ແມ່ຍິງ ແລະ ເດັກ ທີ່ຖືກເຄາະຮ້າຍຈາກການໃຊ້ຄວາມຮຸນແຮງ, ຜູ້ຖືກເຄາະຮ້

ກົມຈັດຕັ້ງປະຕິບັດຄຳຕັດສີນຂອງສານ ລົງຕິດຕາມຊຸກຍູ້ວຽກງານວິຊາສະເພາະ ຢູ່ພະແນກຍຸຕິທຳແຂວງ ຊຽງຂວາງ.

ໃນວັນທີ 8 ທັນວາ 2020 ທີ່ຜ່ານມາ ທ່ານ ສີວິໄລ ທະວີສິນ ຮອງໜ້າກົມຈັດຕັ້ງປະຕິບັດຄຳຕັດສີນຂອງສານກະຊວງຍຸຕິທຳ ໄດ້ລົງເຄື່ອນໄຫວ ເຮັດວຽກຢູ່ພະແນກຍຸຕິທຳແຂວງ ຊຽງຂວາງ ໃຫ້ກຽດຕ້ອນຮັບໂດຍຄະນະພະແນກຍຸຕິທຳແຂວງ ມີ ຫົວໜ້າຂະແໜງ, ຮອງຫົວໜ້າຂະແໜງຈັດຕັ້ງປະຕິບັດຄຳຕັດສີນຂອງສານ, ຫົວໜ້າ, ຮອງຫົວໜ້າຫ້ອງການຍຸຕິທຳເມືອງ, ຫົວໜ້າ, ຮອງຫົວໜ້າໜ່ວຍງານຈັດຕັ້ງປະຕິບັດຄຳຕັດສີນຂອງສານເມືອງ ແລະ ພະນັກງານຈັດຕັ້ງປະຕິບັດຄຳຕັດສິນຂອງສານ ເຂົ້າຮ່ວມທັງໝົດ 23 ທ່ານ, ຍິງ 4 ທ່ານ.

ພະແນກຍຸຕິທຳແຂວງ ຊຽງຂວາງ ສ້າງສະຕິເຄົາລົບກົດໝາຍຢູ່ໂຮງຮຽນການທະຫານທ້ອງຖິ່ນ.

ໃນວັນທີ 8 ທັນວາ 2020 ທີ່ຜ່ານມາ ພະແນກຍຸຕິທຳແຂວງ ຊຽງຂວາງ ນຳໂດຍ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ ໄດ້ສົມທົບກັບກອງບັນຊາການທະຫານແຂວງຊຽງຂວາງ ຊຶ່ງນຳໂດຍທ່ານ ພັນຕີ ທອງລອນ ສອນມະນີລາ ຮອງຫົວໜ້າພະແນກກົດໝາຍຂອງກອງບັນຊາການທະຫານແຂວງ ໄດ້ລົງໂຄສະນາເຜີຍແຜ່ກົດໝາຍໃຫ້ກຳລັງປ້ອງກັນຊາດຢູ່ໂຮງຮຽນການທະຫານທ້ອງຖິ່ນ ບ້ານແປນ ເມືອງ ພູກູດ ແຂວງ ຊຽງຂວາງ.

ພະແນກຍຸຕິທຳແຂວງ ຊຽງຂວາງ ສ້າງຂະບວນການຕ້ອນຮັບວັນປະຫວັດສາດສຳຄັນຂອງຊາດ.

ເພື່ອເປັນການສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ວັນທີ 2 ທັນວາ ຄົບຮອບ 45 ປີ ແລະ ວັນຄ້າຍວັນເກີດຂອງທ່ານ ປະທານ ໄກສອນ ພົມວິຫານ ຄົບຮອບ 100 ປີ ແລະ ເພື່ອເປັນການຜູກແໜ້ນຄວາມສາມັກຄີລະຫວ່າງພະແນກຍຸຕິທຳ ກັບ ຄອບຄົວຂອງພະນັກງານພະແນກຍຸຕິທຳແຂວງ ໃນວັນທີ 1 ທັນວາ 2020 ທີ່ຜ່ານມາພະແນກຍຸຕິທຳແຂວງ ຊຽງຂວາງ ຈຶ່ງໄດ້ສ້າງຂະບວນການກິລາບານເຕະ ແລະ ກິລາເປຕັງ ຂຶ້ນທີ່ເດີນກິລາອາລິວັນ ໂດຍເປັນກຽດເຂົ້າຮ່ວມຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຶ່ງການແຂ່ງຂັນເຕັມໄປດ້ວຍຄວາມເບີກບານມ່ວນຊື່ນ ແລະ ຄວາມຮັກແພງສາມັກຄີ.

ພະແນກຍຸຕິທຳແຂວງສ້າງສະຕິເຄົາລົບກົດໝາຍໃຫ້ແກ່ພະນັກງານ-ລັດຖະກອນອ້ອມຂ້າງເມືອງໜອງແຮດ ແລະ ເມືອງຄຳ.

ໃນລະຫວ່າງວັນທີ 3 - 4 ທັນວາ 2020 ທ່ານ ວັນໄຊ ກືຫວັງເນັ້ງ ຮອງຫົວໜ້າພະແນກຍຸຕິທຳແຂວງ ຊຽງຂວາງ ພ້ອມດ້ວຍທີມງານ ໄດ້ປະສານສົມທົບກັບບັນດາພະແນກການຂອງແຂວງຄື: ພະແນກພາຍໃນ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ສານປະຊາຊົນແຂວງ ໄດ້ນຳເອົາບາງມາດຕາຂອງກົດໝາຍລົງໂຄສະນາເຜີຍແຜ່ເພື່ອສ້າງສະຕິເຄົາລົບກົດໝາຍໃຫ້ແກ່ພະນັກງານ-ລັດຖະກອນ ອ້ອມຂ້າງເມືອງ ໜອງແຮດ ເປັນກຽດເຂົ້າຮ່ວມໂດຍທ່ານ ຄຳແພງ ສີຊົມພູ ຄະນະປະຈຳພັກເມືອງ ຮອງເຈົ້າເມືອງ ໜອງແຮດ ແລະ ເມືອງ ຄຳ ເປັນກຽດເຂົ້້າຮ່ວມກອງປະຊຸມໂດຍທ່ານ ນາງ ແສງຈັນ ວົງສຸລິດ ຮອງເລຂາພັກເມືອງ ຮອງເຈົ້າເມືອງ ຄຳ, ມີທ່ານ ຫົວໜ້າ, ຮອງຫົວໜ້າຫ້ອງການ ແລະ ພະນັກງານ - ລັດຖະກອນ, ທະຫານ, ຕຳຫຼວດ ເຂົ້າຮ່

ພະແນກຍຸຕິທຳແຂວງ ຊຽງຂວາງ ລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ໝອກ

ໃນຕອນເຊົ້າ ຂອງວັນທີ 17 ພະຈິກ 2020 ຜ່ານມານີ້ ຄະນະພະແນກຍຸຕິທຳແຂວງ ນຳໂດຍ ທ່ານ ວັນໄຊ ກຶຫວັງເນັ້ງ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ ໄດ້ລົງຊຸກຍູ້ວຽກງານວິຊາສະເພາະ ຢູ່ຫ້ອງການຍຸຕິທຳເມືອງ ໝອກ ເປັນກຽດເຂົ້າຮ່ວມກອງປະຊຸມມີທ່ານ ຄຳພິດ ແສງມະນີວົງສາ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານກົດໝາຍ ມີບັນດາຫົວໜ້າ, ຮອງຫົວໜ້າຂະແໜງ ແລະ ວິຊາການທີ່ມາຈາກພະແນກຍຸຕິທຳແຂວງ, ຫົວໜ້າຫ້ອງການຍຸຕິທຳ, ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມ 11 ທ່ານ, ຍິງ 2 ທ່ານ.

ຫົວໜ້າພະແນກຍຸຕິທຳແຂວງ ຊຽງຂວາງລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ຜາໄຊ

ໃນວັນທີ 12 ພະຈິກ 2020 ຜ່ານມານີ້ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ພ້ອມດ້ວຍຄະນະ ໄດ້ລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ຜາໄຊ ເປັນກຽດເຂົ້າຮ່ວມໂດຍທ່ານ ສິງໄພ ພິມມະວົງ ຮອງເຈົ້າເມືອງ ຜາໄຊ ມີທ່ານ ບົວສອນ ທຳມະວົງ ຫົວໜ້າຫ້ອງການຍຸຕິທຳເມືອງ, ມີບັນດາຫົວໜ້າ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມຈຳນວນ 14 ທ່ານ, ຍິງ 2 ທ່ານ.

ພະແນກຍຸຕິທຳແຂວງ ຊຽງຂວາງ ລົງຊຸກຍູ້ວຽກງານຍຸຕິທຳເມືອງ ຄູນ.

ໃນຕອນເຊົ້າວັນທີ 30 ຕຸລາ 2020 ຜ່ານມານີ້ ພະແນກຍຸຕິທຳແຂວງ ຊຽງຂວາງ ໄດ້ລົງຊຸກຍູ້ວຽກງານຢູ່ຫ້ອງການຍຸຕິເມືອງ ຄູນ ພາຍໃຕ້ການເປັນປະທານຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ແລະ ທ່ານ ເກົ້າມົວ ຊໍ່ກົວ ຄະນະປະຈຳພັກເມືອງ ຮອງເຈົ້າເມືອງ ຄູນ ຜູ້ຊີ້ນຳວຽກງານກົດໝາຍ.

Pages