ແຂວງ ເຊກອງ

ຂ່າວການເຄື່ອນໄຫວ ແລະ ບົດຄວາມອື່ນໆ

ກອງປະຊຸມໃຫຍ່ຄັ້ງທີ II ກຳມະບານຮາກຖານພະແນກຍຸຕິທຳແຂວງ ເຊກອງ

ໃນວັນທີ 24 ກຸມພາ 2020 ກຳມະບານຮາກຖານພະແນກຍຸຕິທໍາແຂວງ ເຊກອງ ໄດ້ຈັດກອງປະຊຸມໃຫຍ່ຄັ້ງທີ II ຂອງຕົນຂຶ້ນ ໂດຍການເປັນປະທານຂອງ ທ່ານ ຄໍາມິ່ງ ໄຊຍະຈັກ ປະທານກວດກາໜ່ວຍພັກຮາກຖານ ປະທານກໍາມະບານຮາກຖານພະແນກຍຸຕິທໍາ, ເຂົ້າຮ່ວມມີ ທ່ານ ວົງເດືອນ ຈັນທະບຸດຊຽງ ກໍາມະການພັກແຂວງ ປະທານສະຫະພັນກໍາມະບານແຂວງ, ທ່ານ ຄໍາບາງ ພະສະແຫວງ ເລຂາໜ່ວຍພັກຮາກຖານ ຫົວໜ້າພະແນກຍຸຕິທໍາ, ມີບັນດາແຂກຖືກເຊີນຈາກຮາກຖານກໍາມະບານອ້ອມຂ້າງແຂວງ ແລະ ສະມາຊິກກໍາມະບານພາຍໃນພະແນກ ເຂົ້າຮ່ວມທັງໝົດຈໍານວນ 46 ທ່ານ, ຍິງ 17 ທ່ານ.

ພະແນກຍຸຕິທໍາແຂວງ ເຊກອງ ປະຖະກະຖາວັນແມ່ຍິງສາກົນ

ໃນຕອນເຊົ້າ ຂອງວັນທີ 28 ກຸມພາ 2020 ທີ່ຫ້ອງປະຊຸມພະແນກຍຸຕິທໍາແຂວງ ເຊກອງ, ໄດ້ຈັດໃຫ້ມີພິທີປະຖະກະຖາວັນແມ່ຍິງສາກົນຂຶ້ນ ( 8/3/1910 – 8/3/2020 ) ຄົບຮອບ 110 ປີ  ຂອງສະຫະພັນແມ່ຍິງກຸ່ມປົກປ້ອງກົດໝາຍ ພາຍໃຕ້ການເຂົ້າຮ່ວມເປັນປະທານຂອງທ່ານ ນ. ເພັດດາແກ້ວ ພົນສະລາດ  ຮອງປະທານສະຫະພັນແມ່ຍິງແຂວງ, ມີຄະນະພັກແຕ່ລະອົງການ, ຕ່າງໜ້າຈາກອົງການຈັດຕັ້ງມະຫາຊົນແຕ່ລະອົງການ ແລະ ສະມາຊິກສະຫະພັນແມ່ຍິງກຸ່ມປົກປ້ອງກົດໝາຍເຂົ້າຮ່ວມທັງໝົດ 49 ທ່ານ, ຍິງ 42 ທ່ານ.

ພະແນກຍຸຕິທຳ ແຂວງເຊກອງ ມອບບັດໃຫ້ສະມາຊິກພັກສົມບູນ

ວັນທີ 10 ກຸມພາ 2020 ໜ່ວຍພັກຮາກຖານພະແນກຍຸຕິທໍາແຂວງ ເຊກອງ ໄດ້ຈັດພິທີມອບບັດ ໃຫ້ແກ່ສະມາຊິກສົມບູນຂຶ້ນ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ພາຍໃຕ້ການເປັນປະທານຂອງ ສະຫາຍ ອ້ວນຄຳ ທຸງໄຊ ກຳມະການພັກແຂວງ ຫົວໜ້າຄະນະຈັດຕັ້ງແຂວງ ເຂົ້າຮ່ວມມີໜ່ວຍພັກຮາກຖານອ້ອມຂ້າງແຂວງ, ຕາງໜ້າໜ່ວຍພັກອົງການໄອຍະການປະຊາຊົນແຂວງ, ໜ່ວຍພັກຮາກຖານສານປະຊາຊົນແຂວງ, ຄະນະໂຄສະນາອົບຮົມແຂວງ, ກວດກາພັກ-ລັດແຂວງ, ຄະນະຈັດຕັ້ງແຂວງ ພ້ອມດ້ວຍສະມາຊິກພັກສົມບູນ, ສຳຮອງໜ່ວຍພັກຮາກຖານພະແນກຕິທຳແຂວງ ເຂົ້າຮ່ວມທັງໝົດ 35 ສະຫາຍ, ຍິງ 15 ສະຫາຍ.

ຄັດເລືອກເອົາບຸກຄະລາກອນເຂົ້າຮ່ວມກອງປະຊຸມໃຫຍ່ ຄັ້ງທີ II ຂອງກຳມະບານຮາກຖານພະແນກຍຸຕິທຳ ແຂວງ ເຊກອງ ແລະ ປາຖະກະຖາວັນສ້າງຕັ້ງກຳມະບານລາວ

ໃນຕອນເຊົ້າ ຂອງວັນທີ 22 ມັງກອນ 2020 ທີ່ຫ້ອງປະຊຸມພະແນກຍຸຕິທໍາແຂວງ ເຊກອງ, ໄດ້ເປີດກອງປະຊຸມຄັດເລືອກບຸກຄະລາກອນກອງປະຊຸມໃຫຍ່ຄັ້ງທີ II ຂອງກຳມະບານຮາກຖານພະແນກຍຸຕິທໍາແຂວງ  ແລະ ປາຖະກາຖາມູນເຊື້ອແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງອົງການຈັດຕັ້ງກຳມະບານລາວ ເຂົ້າຮ່ວມເປັນຄະນະປະທານໂດຍ ທ່ານ ຄຳບາງ ພະສະແຫວງ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ທ່ານ ຄໍາມິ່ງ ໄຊຍະຈັກ ຮອງຫົວໜ້າພະແນກຍຸຕິທຳແຂວງ ປະທານກຳມະບານຮາກຖານ,  ມີຄະນະກໍາມະບານຮາຖານພະແນກຍຸຕິທໍາແຂວງ ແລະ ສະມາຊິກກໍາມະບານທັງໝົດ ຈຳນວນ 30 ທ່ານ, ຍິງ 13 ທ່ານ.

ພະແນກຍຸຕິທຳແຂວງ ເຊກອງ ໄດ້ເຜີຍແຜ່ດຳລັດວ່າດ້ວຍການຊ່ວຍເຫຼືອທາງດ້ານກົດໝາຍ

ໃນວັນທີ 17-18 ທັນວາ 2019 ຜ່ານມານີ້ ຫ້ອງການຊ່ວຍເຫຼືອທາງດ້ານກົດໝາຍ ປະຈໍາພະແນກຍຸຕິທໍາແຂວງ ເຊກອງ ຮ່ວມກັບຫ້ອງການຍຸຕິທໍາເມືອງ ລະມາມ ໄດ້ເຜີຍແຜ່ດຳລັດ ສະບັບເລກທີ 77/ລບ, ຄໍາແນະນຳ ເລກທີ 1077/ກຍ, ກ່ຽວກັບຊ່ວຍເຫຼືອທາງດ້ານກົດໝາຍ ຊຶ່ງໄດ້ຈັດຂຶ້ນຢູ່ທີ່ກຸ່ມ 6 ເມືອງ ລະມາມ ໂດຍພາຍໃຕ້ການເປັນປະທານຂອງ ທ່ານ ຄໍາບາງ ພະສະແຫວງ ເລຂາໜ່ວຍພັກ ຫົວໜ້າພະແນກຍຸຕິທໍາ ແຂວງ, ມີຮອງຫົວໜ້າພະແນກ, ຫົວໜ້າຫ້ອງການຍຸຕິທໍາເມືອງ ລະມາມ, ພະນັກງານວິຊາການທີ່ກ່ຽວຂ້ອງ ແລະ ອຳນາດການປົກຄອງບ້ານກຸ່ມ 6 ຕະຫຼອດຮອດ ພໍ່ແມ່ປະຊາຊົນ ພໍ່ຄ້າຊາວຂາຍເຂົ້າຮ່ວມທັງໝົດ 71 ທ່ານ, ຍິງ 14 ທ່ານ.

Pages