ແຂວງ ເຊກອງ

ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ກອງປະຊຸມປຶກສາຫາລື ກ່ຽວກັບວຽກງານການຝຶກອົບຮົມກົດໝາຍ ໄລຍະສັ້ນ 45 ວັນ ຮຸ່ນທີ VIII ປີ 2019 ທີ່ແຂວງ ເຊກອງ

ກອງປະຊຸມປຶກສາຫາລືກ່ຽວກັບວຽກງານການຝຶກອົບຮົມກົດໝາຍໄລຍະສັ້ນ 45 ວັນ ຮຸ່ນທີ VIII ໄດ້ໄຂຂຶ້ນໃນຕອນເຊົ້າຂອງວັນທີ 15 ກໍລະກົດ 2019 ທີ່ຫ້ອງປະຊຸມພະແນກຍຸຕິທໍາ ແຂວງ ເຊກອງ ໂດຍການເຂົ້າຮ່ວມເປັນປະທານ ຂອງທ່ານ ຄໍາບາງ ພະສະແຫວງ ເລຂາໜ່ວຍພັກ, ຫົວໜ້າພະແນກຍຸຕິທໍາແຂວງ, ຮອງປະທານຄະນະຊີ້ນໍາການຝຶກອົບຮົມຂັ້ນແຂວງ , ມີບັນດາຄະນະຊີ້ນໍາ, ຄູອາຈານ ຈາກພາກສ່ວນທີ່ກ່ຽວຂ້ອງ ແລະ ບັນດາພະນັກງານທີ່ຮັບຜິດຊອບກ່ຽວກັບການຝຶກອົບຮົມ ເຂົ້າຮ່ວມທັງໝົດ 37 ທ່ານ, ຍິງ 5 ທ່ານ.

ພະແນກຍຸຕິທຳແຂວງ ເຊກອງ ປະເມີນຜົນຄືນ ແຜນກຳນົດພະນັກງານນຳພາ-ຄຸ້ມຄອງ ປະຈຳປີ 2019.

ໃນຕອນບ່າຍຂອງວັນທີ 24 ມິຖຸນາ 2019 ຜ່ານມານີ້ ຢູ່ທີ່ຫ້ອງປະຊຸມພະແນກຍຸຕິທຳແຂວງ ເຊກອງ ໄດ້ຈັດມີພິທີປະເມີນຜົນ ແຜນກໍານົດພະນັກງານນຳພາ-ຄຸ້ມຄອງ ປະຈຳປີ 2019 ພາຍໃຕ້ການເປັນປະທານຂອງ ທ່ານ ຄຳບາງ ພະສະແຫວງ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ມີຕາງໜ້າຈາກອົງການກວດກາພັກ-ລັດ, ຄະນະຈັດຕັ້ງ, ພະແນກພາຍໃນແຂວງ ຕະຫຼອດຮອດພະນັກງານພາຍໃນພະແນກຍຸຕິທຳເຂົ້າຮ່ວມ ທັງໝົດ 27 ທ່ານ, ຍິງ 15 ທ່ານ.

ກອງປະຊຸມປຶກສາຫາລື ກ່ຽວກັບວຽກງານຈັດຕັ້ງປະຕິບັດຄໍາຕັດສີນຂອງສານ ທີ່ ພະແນກຍຸຕິທຳແຂວງ ເຊກອງ

ໃນຕອນເຊົ້າຂອງວັນທີ 16 ພຶດສະພາ 2019 ທີ່ຜ່ານມາ ພະແນກຍຸຕິທໍາແຂວງ ເຊກອງ ໄດ້ເປີດກອງປະຊຸມປຶກສາຫາລື ກ່ຽວກັບວຽກງານຈັດຕັ້ງປະຕິບັດຄໍາຕັດສີນຂອງສານ (ຄະດີທີ່ບໍ່ສາມາດຈັດຕັ້ງປະຕິບັດໄດ້ ແລະ ຄະດີທີ່ຫຍຸ້ງຍາກໃນໄລຍະຜ່ານມາ) ໂດຍການໃຫ້ກຽດເຂົ້າຮ່ວມເປັນປະທານ ຂອງທ່ານ ພອນເພັດ ຄິວລະວົງ ຮອງເລຂາພັກແຂວງ, ສະມະຊິກສະພາແຫ່ງຊາດ, ປະທານສະພາປະຊາຊົນແຂວງ ຜູ້ເຂົ້າຮ່ວມມີບັນດາຄະນະພະແນກຍຸຕິທໍາແຂວງ, ປະທານສານປະຊາຊົນແຂວງ, ຮອງຫົວໜ້າອົງການໄອຍະການປະຊາຊົນແຂວງ, ເຈົ້າໜ້າທີ່ ປ ກ ສ ແຂວງ ພ້ອມດ້ວຍພະນັກງານຂະແໜງຈັດຕັ້ງປະຕິບັດຄໍາຕັດສິນຂອງສານ ເຂົ້າຮ່ວມທັງໝົດຈໍານວນ 15 ທ່ານ, ຍິງ 2 ທ່ານ.

ພະແນກຍຸຕິທຳແຂວງ ເຊກອງເປີດກອງປະຊຸມຄົບຄະນະບໍລິຫານງານຊາວໜຸ່ມຮາກຖານ ປະຈຳປີ 2018

ໃນຕອນເຊົ້າຂອງວັນທີ 2 ພະຈິກ 2018 ທີ່ຫ້ອງປະຊຸມພະແນກຍຸຕິທຳແຂວງ ເຊກອງ ໄດ້ຈັດກອງປະຊຸມຄົບຄະນະບໍລິຫານງານຊາວໜຸ່ມຮາກຖານ ຂຶ້ນ ພາຍໃຕ້ການເປັນປະທານຂອງ ທ່ານ ຄຳບາງ ພະສະແຫວງ ເລຂາໜວ່ຍພັກຮາກຖານພະແນກຍຸຕິທຳ, ຫົວໝ້າພະແນກຍຸຕິທຳ ແຂວງ ເຊກອງ, ມີຕາງໜ້າ 3 ອົງການຈັດຕັ້ງມະຫາຊົນ ພ້ອມດ້ວຍສະມາຊິກຊາວໜຸ່ມພາຍໃນພະແນກເຂົ້າຮວ່ມທັງໝົດຈຳນວນ 21 ທ່ານ, ຍິງ 12 ທ່ານ.

ໜ່ວຍພັກຮາກຖານພະເເນກຍຸຕິທໍາເເຂວງ ເຊກອງ ໄດ້ເປີດພິທີເລື່ອນສະມາຊິກພັກສໍາຮອງຂື້ນເປັນສະມາຊິກພັກສົມບູນ.

ໃນວັນທີ 16 ຕຸລາ 2018 ທີ່ຫ້ອງປະຊຸມພະເເນກຍຸຕິທໍາເເຂວງ ເຊກອງ ໄດ້ເປີດພິທີເລື່ອນສະມາຊິກພັກສໍາຮອງຂື້ນເປັນສະມາຊິກພັກສົມບູນ ພາຍໃຕ້ການເປັນປະທານຂອງ ທ່ານ ອ້ວນຄໍາ ທຸງໄຊ ກຳມະການພັກເເຂວງ, ຫົວໜ້າຄະນະຈັດຕັ້ງເເຂວງ ຊີ້ນໍາວຽກງານຈັດຕັ້ງພະນັກງານ, ມີ ທ່ານ ຄໍາບາງ ພະສະເເຫວງ ເລຂາໜ່ວຍພັກຮາກຖານພະເເນກຍຸຕິທໍາ, ຫົວໜ້າພະເເນກຍຸຕິທໍາເເຂວງ, ເເຂກທີ່ຖືກເຊີນຈາກໜ່ວຍພັກອ້ອມຂ້າງເເຂວງ ພ້ອມດ້ວຍສະມາຊິກພັກສົມບູນ, ສະມະຊິກພັກສໍາຮອງ ເຂົ້າຮ່ວມທັງໝົດຈໍານວນ 31 ສະຫາຍ, ຍິງ 13 ສະຫາຍ.

Pages