ສະຖາບັນຍຸຕິທຳແຫ່ງຊາດ

ທີ່ຕັ້ງ ແລະ ພາລະບົດບາດ

ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ພິທີເຊັນສັນຍາບົດບັນທຶກຊ່ວຍຈໍາ ຮ່ວມມືທາງດ້ານວິຊາການ ແລະ ວຽກງານການຕ່າງປະເທດ

ໃນຕອນແລງວັນພຸດ ວັນທີ 8 ພຶດສະພາ 2019 ຜ່ານມານີ້ ສະຖາບັນຍຸຕິທໍາພາກເໜືອ ໄດ້ມີພິທີເຮັດບົດບັນທຶກຊ່ວຍຈໍາປຶກສາຫາລືກ່ຽວກັບວຽກງານຮ່ວມມືດ້ານວິຊາການກັບມະຫາວິທະຍາໄລສຸພານຸວົງ ກອງປະຊຸມດັ່ງກ່າວໄດ້ຈັດຂຶ້ນຢູ່ສໍານັກງານອະທິການບໍດີ ຊຶ່ງຄູ່ສັນຍາຝ່າຍມະຫາວິທະຍາໄລສຸພານຸວົງ ນໍາໂດຍທ່ານ ຮສ ປທ ວິໄຊ ຈັນສະຫວ່າງ ອະທິການບໍດີ ແລະ ສະຖາບັນຍຸຕິທໍາ ພາກເໜືອ ນຳໂດຍ ທ່ານ ແສງອາລຸນ ພັນນະລັດ ຫົວໜ້າສະຖາບັນຍຸຕິທໍາພາກເໜືອ ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 16 ທ່ານ ຍິງ 3 ທ່ານ.

ສະຖາບັນຍຸຕິທຳພາກເໜືອ ໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ

ຕອນເຊົ້າຂອງວັນທີ 25 ເມສາ 2019 ຢູ່ທີ່ຫ້ອງປະຊຸມໃຫຍ່ຂອງ ສະຖາບັນຍຸຕິທໍາ ພາກເໜືອ ໄດ້ມີພິທີມອບຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ I ປະຈໍາປີ 2018 ຂຶ້ນ, ໃຫ້ກຽດເຂົ້າຮ່ວມໂດຍສະຫາຍ ຄໍາຫຼ້າ ລຽນປະດິດ ຄະນະປະຈໍາພັກແຂວງ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 6, ຫົວໜ້າຄະນະໂຄສະນາອົບຮົມແຂວງ ແລະ ມີບັນດາສະຫາຍຄະນະພັກຮາກຖານ, ຄະນະໜ່ວຍພັກທີ່ຂຶ້ນກັບຄະນະພັກຮາກຖານ, ສະມາຊິກພັກສົມບູນ ແລະ ສໍາຮອງ ເຂົ້າຮ່ວມທັງໝົດ 49 ສະຫາຍ ຍິງ 15 ສະຫາຍ.

ສະຖາບັນຍຸຕິທໍາແຫ່ງຊາດ ແລະ ສະຖາບັນຍຸຕິທໍາ 3 ພາກ ຮັບຟັງການເຜີຍແຜ່ນິຕິກໍາກ່ຽວກັບການນໍາໃຊ້ງົບປະມານແຫ່ງລັດ

ວັນທີ 13 ມີນາ 2019 ຜ່ານມານີ້ ສະຖາບັນຍຸຕິທໍາ 3 ພາກໄດ້ຈັດກອງປະຊຸມກ່ຽວກັບວຽກງານການເງິນ ຂອງສະຖາບັນຍຸຕິທໍາແຫ່ງຊາດ ແລະ ສະຖາບັນຍຸຕິທໍາ ບັນດາພາກ ປະຈໍາໄຕມາດ I ຂຶ້ນ ຢູ່ທີ່ສະຖາບັນຍຸຕິທໍາພາກເໜືອ ໂດຍການເປັນປະທານຮ່ວມຂອງ ທ່ານ ຄໍາພອນ ສີປະເສີດ ຫົວໜ້າຫ້ອງການກະຊວງຍຸຕິທໍາ ແລະ ທ່ານ ບຸນຕາ ສ. ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ, ມີບັນດາຫົວໜ້າສະຖາບັນຍຸຕິທໍາພາກ ພ້ອມດ້ວຍພະນັກງານການເງິນ ຊຶ່ງມີຜູ້ເຂົ້າຮ່ວມທັງໝົດ 47 ທ່ານ ຍິງ 28 ທ່ານ.

ປະຖະຄະຖາວັນສ້າງຕັ້ງສະພາທະນາຍຄວາມຄົບຮອບ 30 ປີ

ໃນຕອນບ່າຍຂອງວັນທີ 6 ມີນາ 2019 ທີ່ ສະຖາບັນຍຸຕິທໍາແຫ່ງຊາດ ສະພາທະນາຍຄວາມໄດ້ປະຖະຄະຖາວັນສ້າງຕັ້ງສະພາທະນາຍຄວາມລາວຄົບຮອບ 30 ປີຂຶ້ນ ໂດຍການເປັນປະທານຮ່ວມຂອງທ່ານ ປອ ບຸນຍູ້ ສີສານ ຮອງປະທານສະພາທະນາຍຄວາມ ແລະ ທ່ານ ປທ ສີວິໄຊ ປະສານພອນ ຮອງຫົວໜ້າສະຖາບັນຍຸຕິທໍາແຫ່ງຊາດ, ມີຄູ-ອາຈານ ແລະ ນັກສືກສາເຂົ້າຮ່ວມທັງໝົດ ຈໍານວນ 147 ທ່ານ, ຍິງ 63 ທ່ານ.

ສະຖາບັນຍຸຕິທຳພາກເໜືອ ສປປ ລາວ ແລະ ໂຮງຮຽນກົດໝາຍສາກົນຮັ່ນດ໋ອງ ສ.ເກົາຫຼີ ພົບປະແລກປ່ຽນບົດຮຽນວິຊາການດ້ານກົດໝາຍຮ່ວມກັນ

ຕອນເຊົ້າວັນທີ 15 ກຸມພາ 2019 ສະຖາບັນຍຸຕິທໍາ ພາກເໜືອ ໄດ້ຕ້ອນຮັບການມາຢ້ຽມຢາມ ແລະ ແລກປ່ຽນບົດຮຽນທາງດ້ານກົດໝາຍ ຈາກຄະນະຄູ-ອາຈານຂອງໂຮງຮຽນກົດໝາຍສາກົນຮັ່ນດ໋ອງ ປະເທດ ສ. ເກົາຫຼີ ຊຶ່ງນໍາພາ ໂດຍທ່ານ ຈົງຊູ ພາກ ຮອງຄະນະບໍດີຝ່າຍວິຊາການໂຮງຮຽນກົດໝາຍສາກົນຮັ່ນດ໋ອງ; ພ້ອມດ້ວຍຄະນະຄູ-ອາຈານ ແລະ ນັກສຶກສາປະລິນຍາເອກ ສາຂາກົດໝາຍອາເມລິກາ ຈໍານວນ 6 ທ່ານ, ຍິງ 5 ທ່ານ.

Pages