ນະຄອນຫຼວງວຽງຈັນ

ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີປະກາດບ້ານແບບຢ່າງປະຕິບັດກົດໝາຍຂອງເມືອງ ໄຊທານີ ນະຄອນຫຼວງວຽງຈັນ.

          ໃນຕອນເຊົ້າຂອງວັນທີ 25 ມີນາ 2021 ທີ່ຜ່ານມາ ຢູ່ທີ່ສະໂມສອນຫ້ອງວ່າການປົກຄອງເມືອງ ໄຊທານີ ນະຄອນຫຼວງວຽງຈັນ ຫ້ອງການຍຸຕິທໍາເມືອງ ໄຊທານີ ໄດ້ຈັດພິທີປະກາດບ້ານແບບຢ່າງປະຕິບັດກົດໝາຍ ຂອງກຸ່ມດົງບັງ ຈໍານວນ 12 ບ້ານ ຂຶ້ນໂດຍການເປັນປະທານຮ່ວມຂອງທ່ານ ພູທອນ ແກ້ວດວງມະນີ ຫົວໜ້າພະແນກຍຸຕິທໍານະຄອນຫວງວຽງຈັນ, ທ່ານ ຄໍາປະດິດ ເຂັມມານິດ ເຈົ້າເມືອງ ໄຊທານີ , ມີຫົວໜ້າຫ້ອງການ, ອົງການປົກຄອງບ້ານ ພ້ອມດ້ວຍຄະນະແກ້ໄຂຂໍ້ຂັດແຍ່ງຂັ້ນບ້ານ ແລະ ພະນັກງານວິຊາການຂອງຫ້ອງການຍຸຕິທຳເມືອງເຂົ້າຮ່ວມທັງໝົດຈໍານວນ 105 ທ່ານ, ຍິງ 25 ທ່ານ.

ພະແນກຍຸຕິທຳນະຄອນຫຼວງວຽງຈັນ ເປີດຊຸດເຝິກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ

          ໃນຕອນເຊົ້າຂອງວັນທີ 22 ກຸມພາ 2021 ພະແນກຍຸຕິທຳນະຄອນຫຼວງວຽງຈັນ ໄດ້ເປີດຊຸດເຝິກອົບຮົມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດໃຫ້ແກ່ພະນັກງານຂະແໜງການທີ່ກ່ຽວຂ້ອງຂອງພະແນກຍຸຕິທຳນະຄອນຫຼວງວຽງຈັນ ແລະ ພາກສ່ວນທຸລະກິດ ໂດຍການເປັນປະທານຮ່ວມຂອງທ່ານ ພູທອນ ແກ້ວດວງມະນີ ຫົວໜ້າພະແນກຍຸຕິທຳນະຄອນຫຼວງວຽງຈັນ ແລະ ທ່ານ ນາງ ດວງມະນີ ລາວມາວ ຫົວໜ້າສູນແກ້ໄຂຂໍ້ຂັດແຍ່ງທາງດ້ານເສດຖະກິດ ກະຊວງຍຸຕິທໍາ, ມີຜູ້ເຂົ້າຮ່ວມຝຶກອົບຮົມຈາກຂະແໜງການຂອງພະແນກຍຸຕິທຳນະຄອນຫຼວງວຽງຈັນ, ພາກສ່ວນທຸລະກິດ ແລະ ແຂກຖືກເຊີນ ເຂົ້າຮ່ວມທັງໝົດຈຳນວນ 84 ທ່ານ, ຍິງ 9 ທ່ານ.

ພິທີເຊັນສັນຍາການຈັດຕັ້ງປະຕິບັດກິດຈະກຳ ລະຫວ່າງ ພະແນກຍຸຕິທຳນະຄອນຫຼວງວຽງຈັນ ແລະ ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍ

          ໃນຕອນເຊົ້າວັນທີ 21 ມັງກອນ 2021 ຢູ່ທີ່ພະແນກຍຸຕິທຳນະຄອນຫຼວງວຽງຈັນ ໄດ້ມີພິທີເຊັນສັນຍາການຈັດຕັ້ງປະຕິບັດກິດຈະກຳ ລະຫວ່າງ ພະແນກຍຸຕິທຳນະຄອນຫຼວງວຽງຈັນ ແລະ ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍຂຶ້ນ ພ້ອມທັງເປີດໂຄງການ “ເພີ່ມທະວີການນຳໃຊ້ກົດໝາຍ ແລະ ເຊື່ອມສານຄວາມສະເໝີພາບຍິງ-ຊາຍ ເຂົ້າໃນວຽກງານແກ້ໄຂຂໍ້ຂັດແຍ່ງຂອງຄະນະກຳມະການແກ້ໄຂຂໍ້ຂັດແຍ່ງຂັ້ນບ້ານ” ໂດຍການເປັນປະທ່ານຮ່ວມຂອງ ທ່ານ ພູທອນ ແກ້ວດວງມະນີ ຫົວໜ້າພະແນກຍຸຕິທຳນະຄອນຫຼວງວຽງຈັນ ແລະ ທ່ານ ນາງ ອິນທະນາ ບຸຜາສະຫວັນ ຜູ້ອຳນວຍການ ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍ ມີຜູ້ຕາງໜ້າຈາກ ພະແນກຍຸຕິທຳນະຄອນຫຼວງວຽງຈັ

ຫົວໜ້າພະແນກຍຸຕິທຳ ນະຄອນຫຼວງວຽງຈັນ ແລະ ທ່ານເຈົ້າເມືອງ ໄຊທານີ ລົງພົບປະໂອ້ລົມພະນັກງານ-ລັດຖະກອນ ຫ້ອງການຍຸຕິທຳເມືອງ ໄຊທານີ

ໃນຕອນບ່າຍຂອງວັນທີ 22 ກັນຍາ 2020 ທີ່ຜ່ານມາ ທ່ານ ພູທອນ ແກ້ວດວງມະນີ ຫົວໜ້າພະແນກຍຸຕິທຳ ນະຄອນຫຼວງວຽງຈັນ ແລະ ທ່ານ ຄຳປະດິດ ເຂັມມານິດ ເຈົ້າເມືອງ ໄຊທານີ ພ້ອມດ້ວຍຄະນະ ໄດ້ລົງພົບປະໂອ້ລົມພະນັກງານ-ລັດຖະກອນ ຢູ່ຫ້ອງການຍຸຕິທຳເມືອງ ໄຊທານີ ໂດຍການຕ້ອນຮັບຂອງທ່ານນາງ ຄຳໄຜ່ ໄຊຍະວົງ ຫົວໜ້າຫ້ອງການຍຸຕິທຳເມືອງ ໄຊທານີ ເຂົ້າຮ່ວມມີບັນດາພະນັກງານ-ລັດຖະກອນຂອງຫ້ອງການຍຸຕິທຳເມືອງເຂົ້າຮ່ວມຢ່າງພ້ອມພຽງ.

Pages