Submitted by xaiyphimphone on
ໃນຕອນບ່າຍຂອງວັນທີ 17 ກໍລະກົດ 2017 ທີ່ກະຊວງຍຸຕິທຳ ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທຳ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ເລວັນຕິງ ຮອງຫົວໜ້າພະ
ແນກຍຸຕິທຳ ນະຄອນຫຼວງຮ່າໂນ້ຍ ແຫ່ງ ສສ ຫວຽດນາມ ພ້ອມດ້ວຍຄະນະ. ເນື່ອງໂອກາດທີ່ເດີນທາງມາຢຽ້ມຢາມ ແລະ ເຮັດວຽກຮ່ວມກັບພະແນກຍຸຕິທຳຍຸຕິທຳ ນະຄອນຫຼວງວຽງຈັນ.
ພ້ອມດຽວກັນນັ້ນ ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ ແຫ່ງ ສປປ ລາວ ພ້ອມດ້ວຍຄະນະ ກໍໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງຕີລາຄາສູງຕໍ່ການເຂົ້າຢ້ຽມຂໍ່ານັບຂອງ ທ່ານ ເລວັນຕິງ ພ້ອມດ້ວຍຄະນະ ຊຶ່ງເປັນການປະກອບສ່ວນທີ່ສຳຄັນເຂົ້າໃນການເສີມສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດລາວຫວຽດນາມ ໃຫ້ໝັ້ນຄົງທະນົງແກ່ນ ຕະຫຼອດກາລະນານ.
ຈາກນັ້ນ ທັງສອງຝ່າຍ ກໍໄດ້ລາຍງານສະພາບຈຸດພິເສດ ແລະ ການເຄື່ອນໄຫວວຽກງານຍຸຕິທຳໃຫ້ກັນ ແລະ ກັນຮັບຊາບ ໂດຍສະເພາະ ປຶກສາຫາລືກ່ຽວກັບການພົວພັນຮວ່ມມືຊວ່ຍເຫຼືອເຊິ່ງກັນ ແລະ ກັນ ລະຫວ່າງພະແນກຍຸຕິທຳ ນະຄອນຫຼວງຮ່າໂນ້ຍ ແຫ່ງ ສສ ຫວຽດນາມ ກັບພະແນກຍຸຕິທຳນະຄອນ ຫຼວງວຽງຈັນ ສປປ ລາວ ໃຫ້ນັບມື້ນັບເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ຈາກນັ້ນ ທ່ານ ເລວັນຕິງ ກໍໄດ້ສະແດງຄວາມຂອບໃຈເປັນຢ່າງສູງຕໍ່ ທ່ານ ຮອງລັດຖະມົນຕີກະຊວງຍຸຕິທຳ ສ ປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ອຳນວຍຄວາມສະດວກໃຫ້ທຸກດ້ານໃນການເຄື່ອນໄຫວ ເຮັດວຽກຢູ່ ສປປ ລາວ ໃນຄັ້ງນີ້.
ຂຽນຂ່າວ: ອອ່ນຄຳ, ຖ່າຍພາບໂດຍ: ສົມຫວັງ
ນັກຂ່າວກົມໂຄສະນາເຜີຍແຜ່ກົດໝາຍ