ອີງຕາມ ແຈ້ງການແນະນຳຂອງຄະນະບໍລິຫານງານຊາວໜຸ່ມກະຊວງຍຸຕິທຳ ສະບັບເລກທີ 161/ຄຊປປລາວ.ກຍ, ລົງວັນທີ 24 ຕຸລາ 2018 ຄະນະຊາວໜຸ່ມຮາກຖານ ສະຖາບັນຍຸຕິທໍໍາແຫ່ງຊາດ ກະຊວງຍຸຕິທຳ ໄດ້ຈັດກອງປະຊຸມເຜີຍແຜ່ເອກະສານ ແລະ ແນະນຳການປະຕິບັດການປະເມີນຂໍ້ແຂ່ງຂັນ 4 ບຸກ ປະຈຳປີ 2018 ຂຶ້ນ ໃນຕອນເຊົ້າຂອງວັນທີ 9 ພະຈິກ 2018 ໂດຍການເປັນປະທານຂອງ ສະຫາຍ ລິດຕະພອນ ພູມມາແກ້ວ ເລຂາຄະນະຊາວໜຸ່ມຮາກຖານ ສະຖາບັນຍຸຕິທຳແຫ່ງຊາດ, ມີສະຫາຍຮອງເລຂາ ພ້ອມດ້ວຍສະມາຊິກຊາວໜຸ່ມຮາກຖານ ສະຖາບັນຍຸຕິທຳແຫ່ງຊາດເຂົ້າຮ່ວມ 54 ທ່ານ, ຍິງ 18 ທ່ານ.
ໃນພິທີ ສະຫາຍ ຄຳພູ ສ.ຜາບມີໄຊ ຮອງເລຂາຄະນະຊາວໜຸ່ມຮາກຖານສະຖາບັນຍຸຕິທຳແຫ່ງຊາດ ໄດ້ຂຶ້ນຜ່ານມະຕິຕົກລົງ ຂອງຄະນະບໍລິຫານງານພັກກະຊວງວ່າດ້ວຍ ການແຕ່ງຕັ້ງຄະນະຮັບຜິດຊອບຂະບວນການແຂ່ງຂັນ 4 ບຸກ ປະຈຳປີ 2018 ຂັ້ນໜ່ວຍຊາວໜຸ່ມ ແລະ ຄະນະຊາວໜຸ່ມຮາກຖານ ກະຊວງຍຸຕິທຳ. ຫຼັງຈາກນັ້ນ ສະຫາຍ ລິດຕະພອນ ພູມມາແກ້ວ ເລຂາຄະນະຊາວໜຸ່ມຮາກຖານ ໄດ້ເຜີຍແຜ່ເອກະສານ ແລະ ແນະນຳກ່ຽວກັບການປະຕິບັດການປະເມີນຂໍ້ແຂ່ງຂັນ 4 ບຸກ ເພື່ອເຮັດໃຫ້ການຈັດຕັ້ງປະຕິບັດການປະເມີນຜົນການປະຕິບັດຂໍ້ແຂ່ງຂັນ 4 ບຸກ ດຳເນີນຢ່າງຖືກຕ້ອງ, ພາວະວິໄສ, ແທດເໝາະກັບສະພາບການເຄື່ອນໄຫວຕົວຈິງ ແລະ ໄດ້ຮັບຜົນສຳເລັດຕາມຈຸດປະສົງຄາດໝາຍທີ່ວາງໄວ້.