ແຂວງ ບໍ່ແກ້ວ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາແຂວງ ບໍ່ແກ້ວ ສ້າງຂະບວນການອອກແຮງານເພື່ອຕ້ອນຮັບກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງ.

ໃນວັນທີ 10-11 ກັນຍາ 2020 ພະນັກງານ-ລັດຖະກອນພາຍໃນພະແນກຍຸຕິທໍາແຂວງ ບໍ່ແກ້ວ ໄດ້ສ້າງຂະບວນການອອກແຮງງານລວມ ຕາມຂອບເຂດຄວາມຮັບຜິດຊອບຂອງຕົນ ນໍາພາໂດຍ ທ່ານ ຄຳຫຼ້າ ອຸດທະຍອດ ຫົວໜ້າພະແນກຍຸຕິທໍາແຂວງ ບໍ່ແກ້ວ ພ້ອມດ້ວຍຄະນະພັກ, ຄະນະພະແນກ ແລະ ພະນັກງານ-ລັດຖະກອນພາຍໃນພະແນກເຂົ້າຮ່ວມ 23 ຄົນ, ຍິງ 13 ຄົນ.

ເມືອງ ປາກທາ ແຂວງ ບໍ່ແກ້ວ ປິດຊຸດຝຶກອົບຮົມ ກົດໝາຍຂັ້ນພື້ນຖານ ລະບົບບຳລຸງ 45 ວັນຊຸດທີ I ໃຫ້ພະນັກງານຫຼັກແຫຼ່ງ.

ພິທີ ປິດຊຸດຝຶກອົບຮົມ ກົດໝາຍ ລະບົບບຳລຸງ 45 ວັນ ໃຫ້ພະນັກງານຫຼັກແຫຼ່ງ ຊຸດທີ I ຂອງເມືອງ ປາກທາ ແຂວງ ບໍ່ແກ້ວ ໄດ້ອັດລົງດ້ວຍຜົນສຳເລັດຢ່າງຈົບງາມ ໃນຕອນແລງ ຂອງວັນທີ 3 ກັນຍາ 2020 ນີ້ ຢູ່ທີ່ສະໂມສອນຂອງເມືອງ ໃຫ້ກຽດເຂົ້າຮວມມີ ປອ. ບົວຄົງ ນາມມະວົງ ກຳມະການສຳຮອງສູນກາງພັກ ເລຂາພັກແຂວງ ເຈົ້າແຂວງ ບໍ່ແກ້ວ ມີຮອງເຈົ້າແຂວງ, ຄະນະປະຈຳພັກແຂວງ, ເຈົ້າເມືອງ, ຄະນະປະຈຳພັກເມືອງ, ກຳມະການພັກເມືອງ ພ້ອມດ້ວຍແຂກຖືກເຊີນຂັ້ນເມືອງ, ຄູ-ອາຈານ ແລະ ນັກສຳມະນາກອນເຂົ້າຮ່ວມທັງໝົດ 92 ທ່ານ ຍິງ 16 ທ່ານ.

ນັກຝຶກອົບຮົມກົດໝາຍ 45 ວັນ ສ້າງຂະບວນການອອກແຮງງານລວມ ທີ່ເມືອງ ປາກທາ ແຂວງ ບໍ່ແກ້ວ

ຕອນບ່າຍວັນທີ 29 ກໍລະກົດ 2020 ທີ່ຜ່ານມາ ນັກຝຶກອົບຮົມກົດໝາຍ 45 ວັນ, ຊຸດທຳອິດເມືອງ ປາກທາ ແຂວງ ບໍ່ແກ້ວ ສົມທົບກັບກອງບັນຊາການ ປກສ - ປກຊ ເມືອງ ປາກທາ ໄດ້ສ້າງຂະບວນການອອກແຮງງານລວມ ຕາມຂອບເຂດຄວາມຮັບຜິດຊອບພາຍໃນບ້ານ ປາກທາຄຸ້ມ 4 ນໍາພາໂດຍ ທ່ານ ນາງ ຈັນສຸກ ວັນນະວົງ ຫົວໜ້າຫ້ອງ ຊຸດຝຶກອົບຮົມກົດໝາຍ 45 ວັນ ພ້ອມດ້ວຍນັກຝຶກອົບຮົມເຂົ້າຮ່ວມທັງໝົດ 70 ທ່ານ, ຍິງ 25 ທ່ານ.

ພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ທີ່ພະແນກຍຸຕິທຳແຂວງ ບໍ່ແກ້ວ

ໃນຕອນເຊົ້າຂອງວັນທີ 30 ກໍລະກົດ 2020 ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ຈັດພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ, ພາຍໃຕ້ການເປັນປະທານຂອງ ສະຫາຍ ສຸລິເດດ ບັນດາກອນ ຮອງເລຂາໜ່ວຍພັກພະແນກຍຸຕິທຳແຂວງ ບໍ່ແກ້ວ ມີບັນດາສະຫາຍຕາງໜ້າໜ່ວຍພັກສານປະຊາຊົນ, ໜ່ວຍພັກອົງການໄອຍະການປະຊາຊົນ, ພ້ອມດ້ວຍຄະນະໜ່ວຍພັກ, ສະມາຊິກພັກສົມບູນ ແລະ ສໍາຮອງ ພາຍໃນໜ່ວຍພັກພະແນກຍຸຕິທຳແຂວງ ເຂົ້າຮ່ວມຈໍານວນ 17 ສະຫາຍ ຍິງ 8 ສະຫາຍ.

ປະກາດການແຕ່ງຕັ້ງຫົວໜ້າຫ້ອງການຍຸຕິທຳເມືອງຜູ້ໃໝ່

ວັນທີ 24 ກໍລະກົດ 2020 ທີຜ່ານ ຢູ່ທີ່ຫ້ອງປະຊຸມຫ້ອງການຍຸຕິທຳເມືອງເມິງ ແຂວງບໍ່ແກ້ວ ໄດ້ຈັດພິທີປະກາດການແຕ່ງຕັ້ງຫົວໜ້າຫ້ອງການຍຸຕິທຳເມືອງເມິງຜູ້ໃໝ່ ໂດຍການເປັນປະທານຮ່ວມຂອງ ທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງບໍ່ແກ້ວ ແລະ ທ່ານ ສົມນຶກ ອິນທະພົມ ກໍາມະການພັກເມືອງ ຮອງເຈົ້າເມືອງ ເມືອງເມິງ, ມີບັນດາຄະນະພະແນກ ແລະ ຫົວໜ້າຫ້ອງການຍຸຕິທໍາເມືອງ ພ້ອມດ້ວຍພະນັກ ງານ-ລັດຖະກອນ ແລະ ແຂກຖືກເຊີນເຂົ້າຮ່ວມທັງໝົດ 19 ທ່ານ, ຍິງ 2 ທ່ານ.

Pages