ແຂວງ ບໍ່ແກ້ວ

ຂ່າວການເຄື່ອນໄຫວ ແລະ ບົດຄວາມອື່ນໆ

ປາຖະກະຖາລະນຶກວັນຄ້າຍວັນເກີດ ປະທານ ສຸພານຸວົງ

ຕອນບ່າຍຂອງວັນທີ 23 ກໍລະກົດ 2020 ຢູ່ທີ່ຫ້ອງປະຊຸມພະແນກຍຸຕິທຳແຂວງບໍ່ແກ້ວໄດ້ຈັດພິທີປາຖະກະຖາລະນຶກວັນຄ້າຍວັນເກີດ ປະທານ ສຸພານຸວົງ ຄົບຮອບ 111 ປີ (13 ກໍລະກົດ 1909 – 13 ກໍລະກົດ 2020) ໃຫ້ກຽດເຂົ້າຮ່ວມ ແລະ ປາຖະກະຖາໂດຍ ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທໍາແຂວງບໍ່ແກ້ວ ມີຫົວໜ້າ ຮອງຫົວໜ້າຂະແໜງ, ພ້ອມດ້ວຍພະນັກງານ-ລັດຖະກອນ ພາຍໃນພະແນກຍຸຕິທຳເຂົ້າຮ່ວມຢ່າງພ້ອມພຽງ.

ຜັນຂະຫຍາຍຜົນສຳເລັດກອງປະຊຸມວຽກງານຍຸຕິທຳທົ່ວປະເທດ ຕິດພັນກັບການລົງຊຸກຍູ້ວຽກງານວິຊາສະເພາະຢູ່ຂັ້ນເມືອງ

ໃນຕອນບ່າຍຂອງວັນທີ 22 ກໍລະກົດ 2020 ທີ່ຜ່ານມາ ທ່ານ ຄຳຫຼ້າ ອຸດທະຍອດ ກໍາມະການພັກແຂວງຫົວໜ້າພະແນກຍຸຕິທໍາແຂວງ ບໍ່ແກ້ວ ພ້ອມດ້ວຍຄະນະ ໄດ້ລົງຈັດຕັ້ງຜັນຂະຫຍາຍຜົນສຳເລັດຂອງກອງປະຊຸມວຽກງານຍຸຕິທຳທົ່ວປະເທດປະຈຳປີ 2019 ຢູ່ເມືອງ ຕົ້ນເຜິ້ງ, ມີ ທ່ານຫົວໜ້າຫ້ອງການຍຸຕິທໍາເມືອງ ຕົ້ນເຜິ້ງ ພ້ອມດ້ວຍຄະນະ ແລະ ພະນັກງານ-ລັດຖະກອນເຂົ້າຮ່ວມທັງໝົດຈໍານວນ 16 ທ່ານ ຍິງ 4 ທ່ານ.

ນັກຝຶກອົບຮົມກົດໝາຍ 45 ວັນ ສ້າງຂະບວນການຕ້ອນຮັບວັນສ້າງຕັ້ງສະຫະພັນແມ່ຍິງລາວ

ໃນຕອນບ່າຍວັນທີ 14 ກໍລະກົດ 2020 ທີ່ຜ່ານມາ ນັກຝຶກອົບຮົມກົດໝາຍໄລຍະສັ້ນ 45 ວັນ, ຊຸດທຳອິດເມືອງ ປາກທາ ແຂວງ ບໍ່ແກ້ວ ໄດ້ສ້າງຂະບວນການອອກແຮງງານລວມ ເພື່ອຂໍ່ານັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ (20 ກໍລະກົດ 1955-20 ກໍລະກົດ 2020) ໂດຍພາຍໃຕ້ການນໍາພາຂອງ ທ່ານ ນາງ ຈັນສຸກ ວັນນະວົງ ຫົວໜ້າຫ້ອງຊຸດຝຶກອົບຮົມກົດໝາຍ 45 ວັນ, ພ້ອມດ້ວຍນັກຝຶກອົບຮົມ ເຂົ້າຮ່ວມທັງໝົດ 50 ທ່ານ, ຍິງ 11 ທ່ານ.

ທິດສະດີການເມືອງ-ການປົກຄອງ ແລະ ພະແນກຍຸຕິທໍາແຂວງ ບໍ່ແກ້ວ ແລກປ່ຽນບົດຮຽນຮ່ວມກັນ

ວັນທີ 7 ກໍລະກົດ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ເປີດກອງປະຊຸມແລກປ່ຽນ ແລະ ຖອດຖອນບົດຮຽນຮ່ວມກັນ ໂດຍພາຍໃຕ້ການເປັນປະທານຮ່ວມຂອງ ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທໍາແຂວງ ແລະ ທ່ານ ນາງ ມະລິ ສຸພັນທະວົງ ຮອງຫົວໜ້າໂຮງຮຽນ ການເມືອງ ແລະ ການປົກຄອງ ແຂວງ ບໍ່ແກ້ວ, ມີບັນດາຄູ-ອາຈານ, ຫົວໜ້າຂະແໜງ, ຮອງຫົວໜ້າຂະແໜງພາຍໃນພະແນກຍຸຕິທໍາ ແລະ ນັກສຶກສາທິດສະດີການເມືອງ ແລະ ການປົກຄອງ ເຂົ້າຮ່ວມທັງໝົດ 25 ທ່ານ, ຍິງ 9 ທ່ານ.

ເປີດຊຸດຝືກອົບຮົມກົດໝາຍ 45 ວັນ ໃຫ້ພະນັກງານຫຼັກແຫຼ່ງເມືອງ ປາກທາ ແຂວງ ບໍ່ແກ້ວ

ວັນທີ 6 ກໍລະກົດ 2020 ທີ່ຜ່ານມາ ຢູ່ທີ່ສະໂມສອນໃຫຍ່ຂອງເມືອງ ປາກທາ ແຂວງ ບໍ່ແກ້ວ ໄດ້ຈັດພິທີເປີດຊຸດຝືກອົບຮົມກົດໝາຍຂັ້ນພື້ນຖານ ລະບົບບຳລຸງ 45 ວັນ ໃຫ້ພະນັກງານຫຼັກແຫຼ່ງ ແລະ ພະນັກງານສືບທອດເມືອງ ປາກທາ ຊຸດທີ I ປະຈໍາປີ 2020 ຂຶ້ນ ໂດຍການເປັນປະທານຂອງ ທ່ານ ຈອມສີ ລັດຕະນະປັນ ຄະນະປະຈໍາພັກແຂວງ ຮອງເຈົ້າແຂວງ ບໍ່ແກ້ວ, ເຂົ້າຮ່ວມມີ ທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງ ບໍ່ແກ້ວ ແລະ ທ່ານ ສາລີ ວັນນະສານ ຮອງເລຂາພັກເມືອງ, ມີບັນດາຄະນະປະຈຳພັກ, ກຳມະການພັກເມືອງ, ຫົວໜ້າຫ້ອງການ, ແຂກຖືກເຊີນ, ຄູຝືກ ແລະ ນັກຝຶກອົບຮົມເຂົ້າຮ່ວມທັງໝົດ 85 ທ່ານ, ຍິງ 15ທ່ານ.

Pages