ໂດຍອີງຕາມວາລະຂອງກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII ໃນວັນທີ 15 ພຶດສະພາ 2017 ທີ່ຜ່ານມາ ຢູ່ທີ່ຫ້ອງປະຊຸມສະພາແຫ່ງຊາດ ໄດ້ມີການທາບທາມຄຳເຫັນຂອງສະ ມາຊິກສະພາແຫ່ງຊາດຕໍ່ຮ່າງປະມວນກົດໝາຍແພ່ງ ສະບັບທຳອິດຂອງ ສປປ ລາວ, ໂດຍພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ. ສຳລັບຮ່າງປະມວນກົດໝາຍແພ່ງ ສະບັບນີ້ ແມ່ນຢູ່ໃນຄວາມຮັບຜິດຊອບຂອງກະຊວງຍຸຕິທໍາ ຊຶ່ງເນື້ອໃນຂອງຮ່າງປະມວນປະກອບມີ 9 ພາກ, 52 ໝວດ ແລະ 615 ມາດຕາ.