ເນື່ອງ​ໃນ​ໂອກາດ​ວັນ​ປູກ​ຕົ້ນ​ໄມ້​ແຫ່ງ​ຊາດ ​ແລະ ວັນ​ເດັກນ້ອຍ​ສາກົນ ຄົບຮອບ 91 ປີ, ວັນ​ທີ 1 ມີ​ຖຸນາ 2016 ກະຊວງ​ຍຸຕິ​ທຳ ​ໄດ້​ຈັດ​ກິດຈະກຳ​ປູກ​ຕົ້ນ​ໄມ້​ລຽບຕາມ​ເສັ້ນທາງ​ຕັດ​ໃໝ່ໜອງບົວທອງ​ຫາໜອງບຶກ ​ໃຫ້ກຽດ​ເຂົ້າ​ຮ່ວມ​ໃນ​ກິດຈະກຳ​​ໃນ​ຄັ້ງ​ນີ້ ​ໂດຍ ທ່ານ ສຈ ​ເກດ​ ກຽດຕິສັກ ຮອງ​ລັດ​ຖະມົນຕີ​ກະຊວງ​ຍຸຕິ​ທຳ, ມີ​ບັນດາ​ຫົວໜ້າກົມ, ຮອງ​ກົມ, ສກສ, ສະ​ຖາ​ບັນ​ຍຸຕິ​ທຳ​ແຫ່ງ​ຊາດ ​ແລະ ພະນັກ​ງານ​ລັດຖະກອນ​ພາຍ​ໃນ​ກະຊວງ ​ເຂົ້າຮ່ວມ 100 ກວ່າ​ຄົນ. ຕົ້ນ​ໄມ້​ທີ່​ນຳ​ໄປ​ປູກ​ໃນ​ຄັ້ງ​ນີ້ ​ຈຳນວນ 320​ ຕົ້ນ ປະກອບ​ມີ​ຕົ້ນ​ຈານ ​ແລະ ຕົ້ນ​​ຟາງ​ແດງ.