ກອງປະຊຸມເປີດກວ້າງຄະນະພັກ, ຄະນະນຳກະຊວງ ເພື່ອສະຫຼຸບການນຳພາຂອງຄະນະພັກກະຊວງຍຸຕິທຳ ໃນໄລຍະ 4 ເດືອນຜ່ານມາ (ແຕ່ 5-8/2016) ແລະ ທິດທາງໃນຕໍ່ໜ້າ ແຕ່ເດືອນ 9-12/2016 ໄດ້ໄຂຂຶ້ນໃນຕອນເຊົ້າຂອງ ວັນທີ 2 ກັນຍາ 2016 ຢູ່ທີ່ຫ້ອງປະຊຸມຊັ້ນສອງ ເພື່ອປະກອບຄຳເຫັນໃສ່ບົດສະຫຼຸບການດັ່ງກ່າວ ໂດຍການເຂົ້າຮ່ວມເປັນປະທານ ຂອງ ສະຫາຍ ໄຊສີ ສັນຕິວົງ ເລຂາຄະນະພັກ, ລັດຖະມົນຕີກະຊວງຍຸຕິທຳ, ມີຄະນະພັກກະຊວງ, ສະຫາຍເລຂາ ໜ່ວຍພັກຫ້ອງການ, ບັນດາເລຂາໜ່ວຍພັກກົມ, ສະຖາບັນຍຸຕິທຳແຫ່ງຊາດ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ ແລະ ຕາງໜ້າສາມອົງການຈັດຕັ້ງມະຫາຊົນກະຊວງ ເຂົ້າຮ່ວມຢ່າງພ້ອມພຽງ.