ໂດຍອີງຕາມຂໍ້ກຳນົດ ສະບັບເລກທີ 02/ກມສພ, ລົງວັນທີ 20 ເມສາ 2004 ວ່າດ້ວຍລະບອບການກວດກາຕີລາຄາແບ່ງປະເພດຄຸນນະພາບການຈັດຕັ້ງຮາກຖານພັກ ແລະ ສະມາຊິກພັກ. ໃນຕອນເຊົ້າຂອງວັນທີ 21 ທັນວາ 2017 ໄດ້ຈັດກອງປະຊຸມປຶກສາຫາລືວຽກງານສຳຄັນຕ່າງໆຂອງກະຊວງຂຶ້ນ ທີ່ຫ້ອງປະຊຸມຂອງກະຊວງຍຸຕິທໍາ. ພາຍໃຕ້ການ ເປັນປະທານ ຂອງສະຫາຍ ໄຊສີ ສັນຕິວົງ ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງຍຸຕິທຳ, ເຂົ້າຮ່ວມກອງປະຊຸມມີ ສະຫາຍຮອງເລຂາຄະນະພັກ, ບັນດາສະ ຫາຍເລຂາ, ຮອງເລຂາໜ່ວຍພັກຂອງ ຫ້ອງການ, ບັນດາກົມ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຖາບັນຍຸຕິທຳແຫ່ງຊາດ ແລະ ສະພາທະນາຍຄວາມ ທີ່ຂຶ້ນກັບອົງ ຄະນະພັກກະຊວງຍຸຕິທຳເຂົ້າຮ່ວມ.