ແຂວງ ຊຽງຂວາງ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ຊຽງຂວາງ ລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ໝອກ

ໃນຕອນເຊົ້າ ຂອງວັນທີ 17 ພະຈິກ 2020 ຜ່ານມານີ້ ຄະນະພະແນກຍຸຕິທຳແຂວງ ນຳໂດຍ ທ່ານ ວັນໄຊ ກຶຫວັງເນັ້ງ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ ໄດ້ລົງຊຸກຍູ້ວຽກງານວິຊາສະເພາະ ຢູ່ຫ້ອງການຍຸຕິທຳເມືອງ ໝອກ ເປັນກຽດເຂົ້າຮ່ວມກອງປະຊຸມມີທ່ານ ຄຳພິດ ແສງມະນີວົງສາ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານກົດໝາຍ ມີບັນດາຫົວໜ້າ, ຮອງຫົວໜ້າຂະແໜງ ແລະ ວິຊາການທີ່ມາຈາກພະແນກຍຸຕິທຳແຂວງ, ຫົວໜ້າຫ້ອງການຍຸຕິທຳ, ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມ 11 ທ່ານ, ຍິງ 2 ທ່ານ.

ຫົວໜ້າພະແນກຍຸຕິທຳແຂວງ ຊຽງຂວາງລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ຜາໄຊ

ໃນວັນທີ 12 ພະຈິກ 2020 ຜ່ານມານີ້ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ພ້ອມດ້ວຍຄະນະ ໄດ້ລົງຊຸກຍູ້ວຽກງານວິຊາສະເພາະຢູ່ຫ້ອງການຍຸຕິທຳເມືອງ ຜາໄຊ ເປັນກຽດເຂົ້າຮ່ວມໂດຍທ່ານ ສິງໄພ ພິມມະວົງ ຮອງເຈົ້າເມືອງ ຜາໄຊ ມີທ່ານ ບົວສອນ ທຳມະວົງ ຫົວໜ້າຫ້ອງການຍຸຕິທຳເມືອງ, ມີບັນດາຫົວໜ້າ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມຈຳນວນ 14 ທ່ານ, ຍິງ 2 ທ່ານ.

ພະແນກຍຸຕິທຳແຂວງ ຊຽງຂວາງ ລົງຊຸກຍູ້ວຽກງານຍຸຕິທຳເມືອງ ຄູນ.

ໃນຕອນເຊົ້າວັນທີ 30 ຕຸລາ 2020 ຜ່ານມານີ້ ພະແນກຍຸຕິທຳແຂວງ ຊຽງຂວາງ ໄດ້ລົງຊຸກຍູ້ວຽກງານຢູ່ຫ້ອງການຍຸຕິເມືອງ ຄູນ ພາຍໃຕ້ການເປັນປະທານຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ແລະ ທ່ານ ເກົ້າມົວ ຊໍ່ກົວ ຄະນະປະຈຳພັກເມືອງ ຮອງເຈົ້າເມືອງ ຄູນ ຜູ້ຊີ້ນຳວຽກງານກົດໝາຍ.

ແຂວງ ຊຽງຂວາງ ເຜີຍແຜ່ກົດໝາຍວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດ ແລະ ກົດໝາຍວ່າດ້ວຍການດຳເນີນຄະດີແພ່ງ.

ໃນວັນທີ 29 ຕຸລາ 2020 ທີ່ຜ່ານມານີ້ ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ມີການໂຄສະນາເຜີຍແຜ່ກົດໝາຍ ວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດສະບັບປັບປຸງ ປີ 2018 ແລະ ກົດໝາຍ ວ່າດ້ວຍການດຳເນີນຄະດີແພ່ງ ໂດຍການເປັນປະທານຂອງທ່ານ ມົນຕີ ສີອຸດົມ ຫົວໜ້າ ພະແນກຍຸຕິທຳແຂວງ ຊຽງຂວາງ, ມີຫົວໜ້າ, ຮອງຫົວໜ້າພະແນກການ, ລັດວິສາຫະກິດ, ທະນາຄານ, ຫົວໜ່ວຍທຸລະກິດ, ບໍລິສັດ, ນັກທຸລະກິດ ແລະ ຜູ້ໄກ່ເກັ່ຍ ແລະ ຄະນະກຳມະການຕັດສິນ ຂໍ້ຂັດແຍ່ງທາງດ້ານເສດຖະກິດ ເຂົ້າຮ່ວມທັງໝົດ 49 ຄົນ, ຍິງ 5 ຄົນ.

ພະແນກຍຸຕິທຳແຂວງຊຽງຂວາງປະເມີນສະມາຊິກພັກ ແລະ ໜ່ວຍພັກ.

ໃນວັນທີ 20-21 ຕຸລາ 2020 ຜ່ານມານີ້ ໜ່ວຍພັກພະແນກຍຸຕິທຳແຂວງ ຊຽງຂວາງ ໄດ້ໄຂກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນຂຶ້ນ. ພາຍໃຕ້ການເປັນປະທານຂອງສະຫາຍ ມົນຕີ ສີອຸດົມ ເລຂາໜ່ວຍພັກ ຫົວໜ້າພະແນກຍຸຕິທຳ ແຂວງຊຽງຂວາງ ມີ ຄະນະພັກ ແລະ ສະມາຊິກພັກເຂົ້າຮ່ວມທັງໝົດ 17 ສະຫາຍ, ຍິງ 6 ສະຫາຍ.

ພິທີມອບ-ຫົວໜ້າຫ້ອງການຍຸຕິທຳເມືອງຜາໄຊ

ໃນຕອນບ່າຍຂອງວັນທີ່ 16 ຕຸລາ 2020 ຜ່ານມານີ້ ໄດ້ມີພິທີ ມອບ-ຮັບ ຫົວໜ້າຫ້ອງການຍຸຕິທຳຜູ້ໃໝ່ ແລະ ຮັກສາການຫົວໜ້າຫ້ອງການຍຸຕິທຳຜູ້ເກົ່າ ເຂົ້າຮ່ວມພິທີມີ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳ ແຂວງຊຽງຂວາງ, ທ່ານ ສິງໄພ ພິມມະວົງ ຮອງເລຂາພັກເມືຶອງ ຜູ້ຊີ້ນຳວຽກງານກົດໝາຍ ມີບັນດາຄະນະປະຈຳພັກເມືອງ, ກຳມະການ, ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ ພ້ອມດ້ວຍພະນັກງານ-ລັດຖະກອນ ພາຍໃນຫ້ອງການຍຸຕິທຳເມືອງ ເຂົ້າຮ່ວມຈຳນວນ 16 ຄົນ, ຍິງ 5 ຄົນ ໃນພິທີດັ່ງກ່າວ ທ່ານ ບຸນລ້ຽງ ວົງພັນທອງ ຮອງຫົວໜ້າໜ່ວຍງານຈັດຕັ້ງ - ພະນັກງານເມືອງຜາໄຊ ໄດ້ຜ່ານແຈ້ງການສະບັບເລກທີ 794 / ຍທ.ຊຂ, ລົງວັນທີ 15 ຕຸລາ 2020 ວ່າດ້ວຍການຖອນພະນັກງານລົງຊ່ວຍ

ພະແນກຍຸຕິທຳແຂວງຊຽງຂວາງເຊື່ອມຊຶມເອກະສານສຳຄັນໃຫ້ພະນັກງານ-ລັດຖະກອນ

ໃນຕອນບ່າຍຂອງວັນທີ 13 ຕຸລາ 2020 ພະແນກຍຸຕິທຳແຂວງຊຽງຂວາງ ໄດ້ເປີດກອງປະຊຸມເຊື່ອມຊຶມບັນດາເອກະສານທີ່ສຳຄັນຕ່າງໆໃຫ້ພະນັກງານ-ລັດຖະກອນ ໃຫ້ກຽດເປັນປະທານກອງປະຊຸມໂດຍ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ມີບັນດາຮອງຫົວໜ້າພະແນກ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ - ລັດຖະກອນພາຍໃນພະແນກຍຸຕິທຳ ເຂົ້າຮ່ວມຈຳນວນ 30 ກວ່າຄົນ ໃນພິທີດັ່ງກ່າວ ທ່ານ ວັນໄຊ ກືຫວັງເນັ້ງ ຮອງຫົວໜ້າພະແນກຍຸຕິທຳ ໄດ້ໃຫ້ກຽດເຜີຍແຜ່ ແລະ ເຊື່ອມຊຶມ ດຳລັດຂອງລັດຖະບານ ສະບັບເລກທີ 300/ລບ, ລົງວັນທີ 13 ກັນຍາ 2017 ວ່າດ້ວຍກການປະເມີນພະນັກງານ - ລັດຖະກອນ, ດຳລັດສະບັບເລກທີ 06/ພນ, ລົງວັນທີ 02 ພຶດສະພາ 2018 ວ່າດ້ວຍ ການຈັດຕັ້ງປະຕິບັດການປະເມີນລ

ພະແນກຍຸຕິທໍາແຂວງ ຊຽງຂວາງ ໂຄສະນາເຜີຍແຜ່ກົດໝາຍຢູ່ເມືອງ ແປກ

ໃນລະຫວ່າງວັນທີ 21 ຫາ 29 ກັນຍາ 2020 ທີ່ຜ່ານມາ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງ ຊຽງຂວາງ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍໃຫ້ແກ່ ປະຊາຊົນ ຢູ່ 5 ບ້ານ ຂອງເມືອງ ແປກ ແຂວງ ຊຽງຂວາງ ຄື: ບ້ານສີໂພນໄຊ, ບ້ານຢອນ, ບ້ານໂພນສະຫວັນໄຊ, ບ້ານໂພນສະຫວັນເໜືອ ແລະ ບ້ານໂງຍ. ເຂົ້າຮ່ວມ ມີ ຜູ້ຕາງໜ້າຈາກອົງການໄອຍະການປະຊາຊົນແຂວງ, ອົງການໄອຍະການປະຊາຊົນເຂດ 1, ຫ້ອງການຍຸຕິທຳເມືອງ ແປກ, ນາຍບ້ານ, ຮອງນາຍບ້ານ ແລະ ປະຊາຊົນທັງ 5 ບ້ານເຂົ້າຮ່ວມຈຳນວນ 420 ຄົນ, ຍິງ 208 ຄົນ.

ມອບ-ຮັບ ເຄື່ອງ ແລະ ອຸປະກອນ ທີ່ ແຂວງ ຊຽງຂວາງ

ພະແນກຍຸຕິທຳແຂວງ ຊຽງຂວາງ ໄດ້ຮັບເຄື່ອງກິລາ ແລະ ອຸປະກອນຮັບໃຊ້ທີ່ຈຳເປັນຈາກຮ້ານຂາຍເຄື່ອງກໍ່ສ້າງບ້ານລາດຮ້ວງ ແລະ ບໍລິສັດບ້ານນາກໍ່ສ້າງຈຳກັດພຽງຜູ້ດຽວ ພິທີດັ່ງກ່າວໄດ້ຈັດຂຶ້ນໃນວັນທີ 17 ກັນຍາ 2020 ທີ່ພະແນກຍຸຕິທຳແຂວງ ມອບໂດຍ ທ່ານ ພາ ສາຍສຳພັນ ເຈົ້າຂອງຮ້ານຂາຍເຄື່ອງກໍ່ສ້າງ ແລະ ຜູ້ຕາງໜ້າບໍລິສັດບ້ານນາກໍ່ສ້າງ ຈຳກັດພຽງຜູ້ດຽວ ຮັບໂດຍ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ຊຽງຂວາງ ເຄື່ອງທີ່ນຳມາມອບໃນເທື່ອນີ້ປະກອບມີ ຊຸດກິລາ 95 ຊຸດ, ດອກໄຟ 5 ຊຸດ, ຜ້າກັນແສງ 30 ແມັດ ແລະ ນ້ຳດື່ມ 10 ແກັດ ລວມມູນຄ່າທັງໝົດ 5,150,000 ກີບ.

ພະແນກຍຸຕິທຳແຂວງ ຊຽງຂວາງ ສ້າງສະຕິເຄົາລົບກົດໝາຍໃຫ້ແກ່ພະນັກງານ-ລັດຖະກອນອ້ອມຂ້າງເມືອງ ຄູນ.

ໃນຕອນເຊົ້າ ຂອງວັນທີ 18 ກັນຍາ 2020 ຢູ່ທີ່ສະໂມສອນຫ້ອງວ່າການປົກຄອງເມືອງຄູນພະແນກຍຸຕິທຳແຂວງ ຊຽງຂວາງ ນຳໂດຍ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳ ພ້ອມດ້ວຍທີມງານ ໄດ້ສົມທົບກັບບັນດາພະແນກການຂອງແຂວງຄື: ພະແນກ ພາຍໃນ, ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ, ພະແນກ ພະລັງງານ ແລະ ບໍ່ແຮ່ ແລະ ກອງບັນຊາການປ້ອງກັນຄວາມສະຫງົບແຂວງ ໄດ້ນຳເອົາບາງມາດຕາຂອງກົດໝາຍລົງໂຄສະນາເຜີຍແຜ່ ເພື່ອສ້າງສະຕິເຄົາລົບກົດໝາຍໃຫ້ແກ່ພະນັກງານ-ລັດຖະກອນ ອ້ອມຂ້າງເມືອງ ຄູນ ໂດຍການເຂົ້າຮ່ວມຂອງ ທ່ານ ເກົ້າມົວ ຊົວໂກ້ ຄະນະປະຈຳພັກເມືອງ ປະທານກວດກາພັກ - ລັດເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ ແລະ ພະນັກງານ - ລ

Pages