ແຂວງ ບໍລິຄຳໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ວຽກງານວິຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ

          ໃນວັນທີ່ 16 ພະຈີກ 2021 . ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ ວຽກງານວີຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ ເປັນກຽດເຂົ້າກອງປະຊຸມໃນຄັ້ງນີ້ໂດຍແມ່ນ ທ່ານ ນາງ ຄຳເພັດ ຮອງເລຂາພັກເມືອງ ປະທານກວດກາພັກເມືອງ; ມີພະນັກງານເຂົ້າຮ່ວມ ຈຳນວນ 17 ທ່ານ , ຍິງ 8 ທ່ານ.

ພະແນກຍຸຕິທໍາແຂວງ ບໍລິຄໍາໄຊ ສ່ອງແສງວຽກງານປະຈໍາເດືອນ

          ກອງປະຊຸມສ່ອງແສງ ປະຈໍາເດືອນ ກັນຍາ ຂອງພະແນກຍຸຕິທໍາແຂວງ ບໍລິຄໍາໄຊ ໄດ້ຈັດຂຶ້ນຕອນເຊົ້າຂອງວັນທີ 14 ກັນຍາ 2021 ຢູ່ທີ່ຫ້ອງປະຊຸມຂອງພະແນກ ໂດຍການເປັນປະທານຂອງ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄໍາໄຊ, ມີຫົວໜ້າຂະແໜງ, ຮອງຂະແໜງເຂົ້າຮ່ວມ 15 ທ່ານ, ຍິງ 7 ທ່ານ.

ຫ້ອງການຍຸຕິທໍາເມືອງ ບໍລິຄັນ ເຜີຍແຜ່ບັນດານິຕິກຳ

          ໃນວັນທີ 31 ສິງຫາ 2021 ທ່ານ ພອນຊົງ ເພຍເຊຍຕູ ຫົວໜ້າຫ້ອງການຍຸຕິທຳເມືອງ ບໍລິຄັນ ແຂວງ ບໍລິຄຳໄຊ ໄດ້ລົງເຜີຍແຜ່ກົດໝາຍ ແລະ ກົດລະບຽບພັກປະຊາຊົນ ປະຕິວັດລາວ ສະໄໝທີ XI ໃຫ້ເລຂາຄະນະພັກຮາກຖານ ນາຍບ້ານ ຫາດດອນຄູນ, ມີສະມາຊິກພັກ ແລະ ປະຊາຊົນຈຳນວນໜຶ່ງເຂົ້າຮ່ວມທັງໝົດ 58 ທ່ານ, ຍິງ 10 ທ່ານ.

ພະນັກງານພະແນກຍຸຕິທໍາແຂວງ ໄດ້ເຊື່ອມຊຶມວັນລັດຖະທໍາມະນູນຄົບຮອບ 30 ປີ

          ໃນວັນທີ 13 ສິງຫາ 2021 ຜ່ານມາ ຢູ່ຫ້ອງປະຊຸມສະພາປະຊາຊົນ ແຂວງ ບໍລິຄຳໄຊ ພະນັກງານ-ລັດຖະກອນພາຍໃນພະແນກຍຸຕິທໍາແຂວງ ໄດ້ເຂົ້າຮ່ວມຮັບຟັງພິທີປາຖະກະຖາວັນສ້າງຕັ້ງລັດຖະທຳມະນູນຄົບຮອບ 30 ປີ ເພື່ອຫວນຄືນມູນເຊື້ອປະຫວັດຄວາມເປັນມາ, ຄວາມໝາຍ ແລະ ຄວາມສຳຄັນ ຂອງວັນລັດຖະທຳມະນູນໃຫ້ກຽດເປັນປະທານໂດຍ ທ່ານ ເລື່ອນວິໄລ ຈັນທະລາພັນ ຄະນະປະຈໍາພັກແຂວງ ຮອງປະທານປະຊາຊົນແຂວງ ບໍລິຄໍາໄຊ, ມີພະນັກງານສະພາປະຊາຊົນແຂວງ, ສານປະຊາຊົນ, ໄອຍະການປະຊາຊົນ ເຂົ້າຮ່ວມ.

Pages