ແຂວງ ອຸດົມໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ສະຫະພັນແມ່ຍິງແຂວງ ອຸດົມໄຊ ສົມທົບກັບຫ້ອງການຍຸຕິທໍາເມືອງ ຮຸນ ລົງໂຄສະນາເຜີຍແຜ່ກົດໝາຍໃຫ້ປະຊາຊົນ

          ໃນລະຫວ່າງວັນທີ 21-24 ທັນວາ 2021 ຜ່ານມານີ້, ທ່ານ ນາງ ບົວທອງ ວັນນະລາດ ຮອງປະທານສະຫະພັນແມ່ຍິງແຂວງ ພ້ອມດ້ວຍຄະນະໄດ້ປະສານກັບຫ້ອງການຍຸຕິທຳເມືອງ ຮຸນ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ໃຫ້ແກ່ປະຊາຊົນ ( ກຸ່ມບ້ານ ສີບຸນເຮືອງ ) ມີບ້ານ ໄຊມຸງຄຸນ, ບ້ານ ອຸດົມ ແລະ ( ກຸ່ມນາເງີນ ) ມີບ້ານ ນາໂພກ ເມືອງ ຮຸນ ແຂວງ ອຸດົມໄຊ, ມີຄະນະບ້ານ, ການຈັດຕັ້ງບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ ແລະ ປະຊາຊົນ ທັງ 3 ບ້ານເຂົ້າຮ່ວມທັງໝົດ 90 ຄົນ, ຍິງ 35 ຄົນ.

ພະແນກຍຸຕິທຳແຂວງ ອຸດົມໄຊ ເຊື່ອມຊຶມ ແລະ ຈັດຕັ້ງຜັນຂະຫຍາຍເອກະສານວາລະແຫ່ງຊາດ

          ໃນຕອນເຊົ້າ ວັນທີ 22 ທັນວາ 2021 ຜ່ານມາ ທີ່ຫ້ອງປະຊຸມຂອງພະແນກຍຸຕິທຳແຂວງ ອຸດົມໄຊ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ- ການເງີນ ແລະ ແກ້ໄຂບັນຫາຢາເສບຕິດ ໂດຍການເປັນປະທານຂອງ ທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີຮອງເລຂາໜ່ວຍພັກ ຮອງຫົວໜ້າພະແນກ, ມີບັນດາຫົວໜ້າ - ຮອງຫົວໜ້າຂະແໜງ ແລະ ພະນັກງານວິຊາການພະແນກຍຸຕິທຳແຂວງ ເຂົ້າຮ່ວມ.

ພະແນກສາທາລະນະສຸກຮ່ວມກັບພະແນກຍຸຕິທໍາແຂວງອຸດົມໄຊ ເປີດບໍລິການສັກວັກຊິນປ້ອງກັນໂຄວິດ-19 ເຂັ້ມທີ 3 ໃຫ້ພະນັກງານ-ລັດຖະກອນ ແລະ ພະນັກງານທີ່ເຮັດວຽກບໍລິການ

          ໃນລະຫວ່າງວັນທີ 15-17 ທັນວາ 2021 ນີ້ ທີ່ພະແນກຍຸຕິທໍາແຂວງ ອຸດົມໄຊ ຄະນະຮັບຜິດຊອບພະແນກສາທາລະນະສຸກແຂວງ ໄດ້ສົມທົບກັບຊາວໜຸ່ມຕະລຸມບອນພະແນກຍຸຕິທໍາແຂວງອຸດົມໄຊ ໄດ້ເປີດບໍລິການສັກວັກຊິນ ປ້ອງກັນພະຍາດໂຄວິດ-19 ເຂັມທີ່ 3 ໃຫ້ບັນດາພະນັກງານ-ລັດຖະກອນຂົງເຂດປົກປ້ອງກົດໝາຍ, ລັດວິສາຫະກິດ, ເຮືອນພັກໂຮງແຮມ ແລະ ສະຖານທີ່ຂົນສົ່ງໂດຍສານ.

ເມືອງ ງາ ປະກາດຮັບຮອງເອົາ 2 ບ້ານເປັນບ້ານແບບຢ່າງປະຕິບັດກົດໝາຍ

          ພີທີປະກາດ, ຮັບຮອງ ເອົາຄອບຄົວ ແລະ ບ້ານແບບຢ່າງປະຕິບັດກົດໝາຍ ໄດ້ຈັດຂຶ້ນ ໃນຕອນເຊົ້າຂອງວັນທີ 9 ທັນວາ 2021 ທີ່ສະໂມສອນບ້ານ ຫ້ວຍໄລ່ ເມືອງ ງາ ແຂວງ ອຸດົມໄຊ, ໂດຍການເປັນກຽດເຂົ້າຮ່ວມຂອງ ທ່ານ ບູນທີ ໄຊຍະວົງ ກຳມະການປະຈຳພັກເມືອງ ຮອງເລຂາພັກເມືອງ ປະທານກວດກາພັກ-ລັດເມືອງ ງາ, ມີ ຄະນະປະຈໍາພັກເມືອງ, ຫົວໜ້າຫ້ອງການ, ການຈັດຕັ້ງຂັ້ນເມືອງ, ເລຂາພັກເຂດ, ອົງການປົກຄອງບ້ານ ແລະ ປະຊາຊົນຂອງ 2 ບ້ານເຂົ້າຮ່ວມ.

ເມືອງ ຮຸນ, ແຂວງ ອຸດົມໄຊ ປະກາດຮັບຮອງບ້ານແບບຢ່າງປະຕິບັດກົດໝາຍ

          ໃນວັນທີ 9 ທັນວາ 2021 ນີ້ຢູ່ທີ່ບ້ານ ຈັນໄຕ ເມືອງ ຮຸນ ແຂວງ ອຸດົມໄຊ ໄດ້ຈັດພິທີປະກາດບ້ານ ຈັນໄຕ, ບ້ານ ນາທອງ, ບ້ານ ນໍ້າຄໍ, ບ້ານ ກອນຄຳ ແລະ ບ້ານ ມົກໄປຼ ເປັນບ້ານແບບຢ່າງປະຕິບັດກົດໝາຍຄັ້ງທີ 2 ເປັນກຽດເຂົ້າຮ່ວມໂດຍທ່ານ ນາງ ຈີ ຄຸນສະຫງວນ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງ, ມີທ່ານ ວິໄຊເຮີ ພັນດາລີ ຫົວໜ້າຫ້ອງການຍຸຕິທຳເມືອງຮຸນ, ມີກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ເລຂາຄະນະພັກຮາກຖານ ແລະ ປະຊາຊົນທັງ 5 ໝູ່ບ້ານເຂົ້າຮ່ວມ.

Pages