ແຂວງ ອຸດົມໄຊ

ຂ່າວການເຄື່ອນໄຫວ ແລະ ບົດຄວາມອື່ນໆ

ຫົວໜ້າພະແນກຍຸຕິທໍາແຂວງ ອຸດົມໄຊ ລົງຊຸກຍູ້ວຽກງານຍຸຕິທໍາຮາກຖານ ພ້ອມທັງມອບຄອມພີວເຕີ ແລະ ປື້ມກົດໝາຍ ໃຫ້ຫ້ອງການຍຸຕິທໍາເມືອງ ນາໜໍ້ ແລະ ກຸ່ມບ້ານຂວາງ

ໃນຕອນເຊົ້າຂອງວັນທີ 13 ພະຈິກ 2020 ທີ່ຜ່ານມານີ້ ທ່ານ ສອນສຸວັນ ປັນຍາວົງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ໄດ້ລົງຊຸກຍູ້ວຽກງານຍຸຕິທໍາ ຢູ່ທີ່ເມືອງ ນາໜໍ້ ແຂວງ ອຸດົມໄຊ ໂດຍໄດ້ຮັບການຕ້ອນຮັບຈາກ ທ່ານ ຄໍາມວນ ມົວຈົ່ງຮື່ ຮອງຫົວໜ້າຫ້ອງວ່າການ ເມືອງ ນາໜໍ້ ແລະ ພະນັກງານຫ້ອງການຍຸຕິທໍາເມືອງ ນາໝໍ້ ຈຸດປະສົງເພື່ອຕິດຕາມຊຸກຍູ້ວຽກງານຍຸຕິທຳຮາກຖານຂອງເມືອງ.

ພະແນກຍຸຕິທຳແຂວງ ອຸດົມໄຊ ປະເມີນຜົນງານ ພະນັກງານຂັ້ນຄະນະນຳ ປະຈຳປີ 2020

ໃນວັນທີ 10 ພະຈິກ 2020 ພະແນກຍຸຕິທຳແຂວງ ອຸດົມໄຊ ໄດ້ຈັດກອງປະຊຸມປະເມີນຜົນງານພະນັກງານຂັ້ນຄະນະນຳ ປະຈຳປີ 2020 ຂື້ນໂດຍການເປັນປະທານຂອງທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະຮັບຜິດຊອບຂັ້ນແຂວງ, ຫົວໜ້າ-ຮອງຫົວໜ້າຂະແໜງ ພາຍໃນພະແນກຍຸຕິທຳເຂົ້າຮ່ວມທັງໝົດ 16 ທ່ານ, ຍິງ 3 ທ່ານ.

ບ້ານ ນາງີວ ແລະ ບ້ານ ນໍ້າດໍ ເມືອງ ແບງ ແຂວງ ອຸດົມໄຊ ໄດ້ເປັນບ້ານແບບຢ່າງປະຕິບັດກົດໝາຍ.

ໃນຕອນເຊົ້າເວລາ 9:30 ໂມງ ຂອງວັນທີ 2 ພະຈິກ 2020 ທີ່ຜ່ານມາ ຫ້ອງການຍຸຕິທໍາເມືອງ ແບງ ໄດ້ຈັດພິທີ ປະກາດຄອບຄົວ ແລະ ບ້ານແບບຢ່າງປະຕິບັດກົດໝາຍໄດ້ 2 ບ້ານຄື: ບ້ານ ນາງີວ ແລະ ບ້ານ ນໍ້າດໍ ຢູ່ທີ່ສະໂມສອນບ້ານ ນາງີວ ໂດຍການເຂົ້າຮ່ວມເປັນປະທານຂອງ ທ່ານ ຄໍາພອນ ພິມມະລາດ ຮອງເລຂາພັກເມືອງ ປະທານກວດກາພັກ - ລັດ ຮອງເຈົ້າເມືອງ ແບງ, ທ່ານ ບຸນຈັນ ສີບຸນຕາ ຮອງຫົວໜ້າພະແນກຍຸຕິທໍາແຂວງ, ທ່ານ ທອງໄຊ ທໍ້ຈົງເລັຍຈີ ຫົວໜ້າຫ້ອງການຍຸຕິທໍາເມືອງ, ທ່ານ ລີຕາ ວຽງສະຫວັນ ເລຂາພັກບ້ານ, ນ້າຍບ້ານ ບ້ານ ນາງີວ, ທ່ານ ບຸນຕິນ ນ້າຍບ້ານ ບ້ານ ນໍ້າດໍ, ຄະນະປະຈໍາພັກເມືອງ, ມີຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ, ມີພະນັກງານຫ້ອງການຍຸຕິທໍາເ

ແຂວງ ອຸດົມໄຊ ຝຶກອົບຮົມຍົກລະດັບຄວາມຮູ້ທາງດ້ານກົດໝາຍໃຫ້ພະນັກງານຫຼັກແຫຼ່ງອ້ອມຂ້າງແຂວງ

ພິທີເປີດຊຸດຝຶກອົບຮົມກົດຫມາຍໄລຍະສັ້ນ 45 ວັນ ຊຸດທີ V ປະຈຳປີ 2020 ໃຫ້ແກ່ພະນັກງານຫຼັກແຫຼ່ງອ້ອມຂ້າງແຂວງ ອຸດົມໄຊ ໄດ້ເປີດຂຶ້ນ ໃນຕອນເຊົ້າຂອງວັນທີ 30 ຕຸລາ 2020ນີ້ ຢູ່ທີ່ຫ້ອງປະຊຸມພະແນກຍຸຕິທຳແຂວງ. ເປັນກຽດເຂົ້າຮ່ວມຂອງ ທ່ານ ສົມຈິດ ປັນຍາສັກ ຮອງເຈົ້າແຂວງ ອຸດົມໄຊ, ທ່ານ ສອນສຸວັນ ປັນຍາວົງ ຫົວໜ້າພະແນກຍຸຕິທຳແຂວງ. ມີຄະນະຮັບຜິດຊອບ, ວິທະຍາກອນ ພ້ອມດ້ວຍສຳມະນາກອນທີ່ມາຈາກບັນດາພະແນກການ, ຂະແໜງການ, ຂົງເຂດ ປກສ, ປກຊ ອ້ອມຂ້າງແຂວງ ເຂົ້າຮ່ວມ.

ພະແນກຍຸຕິທຳແຂວງ ອຸດົມໄຊ ສ້າງແຜນກຳນົດພະນັກງານ ນຳພາ-ຄຸ້ມຄອງ ປີ 2021-2025

ໃນວັນທີ່ 27 ຕຸລາ 2020 ຢູ່ທີ່ຫ້ອງປະຊຸມພະແນກຍຸຕິທຳແຂວງ ອຸດົມໄຊ ໄດ້ເປີດກອງປະຊຸມ ການສ້າງແຜນກຳນົດ ພະນັກງານ ນຳພາ-ຄຸ້ມຄອງ ປີ 2021-2025 ຂື້ນໂດຍການເປັນປະທານຮ່ວມຂອງທ່ານ ສອນສຸວັນ ປັນຍາວົງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີທ່ານ ຄຳປະເສີດ ວິລະພັນ ຮອງກົມຈັດຕັ້ງກະຊວງຍຸຕິທຳ, ທ່ານ ນາງ ລິຈັນ ສີສຸທຳ ຮອງຫົວໜ້າຄະນະຈັດຕັ້ງແຂວງ, ພ້ອມດ້ວຍທິມງານມາຈາກກົມຈັດຕັ້ງກະຊວງຍຸຕິທຳ, ທິມງານມາຈາກຄະນະຈັດຕັ້ງແຂວງ ແລະ ພະນັກງານ-ລັດຖະກອນພາຍໃນພະແນກ ເຂົ້າຮ່ວມ.

Pages