ແຂວງ ຊຽງຂວາງ

ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີປະຖະກະຖາວັນສຳຄັນຕ່າງໆຂອງຊາດ ທີ່ ແຂວງ ຊຽງຂວາງ.

          ໃນຕອນເຊົ້າຂອງວັນທີ 26 ກໍລະກົດ 2021 ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ຊຽງຂວາງ ໄດ້ຈັດພິທີປະຖະກະຖາວັນສຳຄັນຂອງຊາດຂືຶ້ນ ໂດຍການເປັນປະທານຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.

ກອງປະຊຸມສະຫຼຸບການຈັດຕັ້ງປະຕິບັດຄຳແນະນຳຮ່ວມ ຂອງສາມພາກສ່ວນ

          ກອງປະຊຸມສະຫຼຸບການຈັດຕັ້ງປະຕິບັດຄຳແນະນຳຮ່ວມ ຂອງສາມພາກສ່ວນ ໄດ້ຈັດຂຶ້ນໃນຕອນເຊົ້າຂອງວັນທີ 23 ກໍລະກົດ 2021 ຢູ່ທີ່ຄ້າຍຄຸມຂັງ ແລະ ດັດສ້າງ ປກສ ແຂວງ ຊຽງຂວາງ ໂດຍການເປັນປະທານຮ່ວມຂອງ ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ທ່ານ ຄຳຫຼ້າ ທຳມະວົງ ຫົວໜ້າອົງການໄອຍະການປະຊາຊົນ ແລະ ທ່ານ ພັນໂທ ວຽງຫຼວງ ພົນອາສາ ຫົວໜ້າຄ້າຍຄຸມຂັງ-ດັດສ້າງ ມີພາກສ່ວນກ່ຽວຂ້ອງ ແລະ ພະນັກງານ-ລັດຖະກອນຂອງສາມພາກສ່ວນເຂົ້າຮ່ວມ.

ເຝິກອົບຮົມສ້າງຄວາມເຂັ້ມແຂງ ໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ ຢູ່ເມືອງ ພູກູດ ແຂວງ ຊຽງຂວາງ.

          ໃນລະຫວ່າງວັນທີ 19-21 ກໍລະກົດ 2021 ຜ່ານມາ ພະແນກຍຸຕິທຳແຂວງ ຊຽງຂວາງ ໄດ້ເປີດຊຸດຝຶກອົບຮົມວຽກງານກົດໝາຍ ໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານ ຢູ່ກຸ່ມທ້າຍ ແລະ ກຸ່ມເຄິ່ງ ເມືອງ ພູກູດ ແຂວງ ຊຽງຂວາງ ໂດຍການເປັນປະທານຂອງທ່ານ ວັນໄຊ ກຶຫວັງເນັ້ງ ຮອງຫົວໜ້າພະແນກຍຸຕິທຳແຂວງ, ມີຜູ້ຕາງໜ້າອົງການມິດຕະພາບເມັນໂນນາຍ Mennonite Central Committee, ຄູຝຶກ, ຄະນະແກ້ໄຂຂໍ້ຂັດແຍ່ງຂັ້ນບ້ານມາຈາກ 5 ບ້ານເປົ້າໝາຍ ແລະ ພະນັກງານ-ລັດຖະກອນທີ່ກ່ຽວຂ້ອງເຂົ້າຮ່ວມ.

ພະແນກຍຸຕິທຳແຂວງ ຊຽງຂວາງ ສະຫຼຸບວຽກງານຮອບດ້ານ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021

          ໃນຕອນເຊົ້າຂອງວັນທີ 12 ກໍລະກົດ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດກອງປະຊຸມສະຫຼຸບວຽກງານຍຸຕິທຳ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2021 ຂຶ້ນ ໂດຍການເປັນປະທານຂອງທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ - ລັດຖະກອນເຂົ້າຮ່ວມ.

Pages