ແຂວງ ຜົ້ງສາລີ

ຂ່າວການເຄື່ອນໄຫວ ແລະ ບົດຄວາມອື່ນໆ

ກໍາມະບານຮາກຖານພະແນກຍຸຕິທຳແຂວງ ຜົ້ງສາລີ ປະຖະກະຖາວັນກໍາມະກອນສາກົນ ຄົບຮອບ 136 ປີ ແລະ ສ້າງຂະບວນການອອກແຮງງານ

          ໃນວັນທີ 29 ເມສາ 2022 ຄະນະກໍາມະບານຮາກຖານພະແນກຍຸຕິທຳແຂວງ ຜົ້ງສາລີ ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 136 ປີ ແລະ ສ້າງຂະບວນການອອກແຮງງານ ໂດຍການເປັນປະທານຂອງ ສະຫາຍ ຈັນສະໝອນ ຄຸນນະເລີດ ຮອງເລຂາໜ່ວຍພັກ, ຮອງຫົວໜ້າພະແນກຍຸຕິທຳແຂວງ, ຜູ້ຊີ້ນຳອົງການຈັດຕັ້ງມະຫາຊົນ, ສະຫາຍ ນາງ ອຳໄພພອນ ຕ່ອມມະນີ ຄະນະບໍລິຫານງານກຳມະບານແຂວງ, ປະທານສະຫະພັນກຳມະບານຮາກຖານພະແນກຍຸຕິທຳແຂວງ, ມີຄະນະກໍາມະບານຮາກຖານ ແລະ ສະມາຊິກກໍາມະບານພາຍໃນພະແນກຍຸຕິທຳແຂວງເຂົ້າຮ່ວມທັງໝົດ 31 ທ່ານ, ຍິງ 16 ທ່ານ.

ໜ່ວຍພັກພະແນກຍຸຕິທໍາແຂວງ ຜົ້ງສາລີ ດໍາເນີນຮ່ວມຊີວິດການເມືອງປະຈໍາເດືອນ ເມສາ 2022

          ໃນຕອນບ່າຍຂອງວັນທີ 22 ເມສາ 2022 ໜ່ວຍພັກພະແນກຍຸຕິທໍາແຂວງ ຜົ້ງສາລີ ໄດ້ຈັດກອງປະຊຸມດຳເນີນຊີວິດການເມືອງ ປະຈຳເດືອນ ເມສາ ແລະ ວາງທິດທາງແຜນການຂອງເດືອນ ພຶດສະພາ 2022 ຂຶ້ນຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ໂດຍໃຫ້ກຽດເປັນປະທານຂອງ ສະຫາຍ ນ. ອຳໄພພອນ ຕ່ອມມະນີ ກໍາມະການໜ່ວຍພັກ, ຮອງຫົວໜ້າພະແນກຍຸຕິທໍາແຂວງ, ມີຮອງປະທານກວດກາພັກ ແລະ ສະມາຊິກພັກສົມບູນເຂົ້າຮ່ວມທັງໝົດ 19 ສະຫາຍ, ຍິງ 9 ສະຫາຍ.

ຊາວໜຸ່ມພະແນກຍຸຕິທໍາແຂວງ ຜົ້ງສາລີ ສະຫຼຸບຜົນງານ ແລະ ປາຖະກະຖາເລົ່າມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ຄົບຮອບ 67 ປີ

          ໃນຕອນບ່າຍ ຂອງວັນທີ 6 ເມສາ 2022 ຜ່ານມານີ້ ໜ່ວຍຮາກຖານຊາວໜຸ່ມ ພະແນກຍຸຕິທຳແຂວງ ຜົ້ງສາລີ, ໄດ້ຈັດໃຫ້ມີປາຖະກະຖາເລົ່າມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຂຶ້ນ ຄົບຮອບ 67 ປີ (ວັນທີ 14 ເມສາ 1955 - ວັນທີ 14 ເມສາ 2022 ) ແລະ ສະຫຼຸບຕີລາຄາການຈັດຕັ້ງປະຕິບັດວຽກງານຊາວໜຸ່ມປະຈຳປີ 2021 ທີ່ຫ້ອງປະຊຸມພະແນກຍຸຕິທຳແຂວງ ໂດຍໃຫ້ກຽດເຂົ້າຮ່ວມຂອງທ່ານ ຈັນສະໝອນ ຄຸນນະເລີດ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາແຂວງ ຜູ້ຊີ້ນໍາອົງການຈັດຕັ້ງມະຫາຊົນ, ມີທ່ານ ທອງວັນ ສີສະຫວັນ ເລຂາໜ່ວຍຮາກຖານຊາວໜຸ່ມພະແນກຍຸຕິທຳແຂວງ, ມີບັນດາຄະນະໜ່ວຍຊາວໜຸ່ມ ແລະ ສະມາຊິກຊາວໜຸ່ມພາຍໃນພະແນກຍຸຕິທຳແຂວງເຂົ້າ

ພະແນກຍຸຕິທຳແຂວງຜົ້ງສາລີ ຈັດກອງປະຊຸມປະກອບຄຳເຫັນໃສ່ (ຮ່າງ) ກົດໝາຍ ວ່າດ້ວຍຄຳຮ້ອງທຸກ ( ສະບັບປັບປຸງ )

          ໃນຕອນເຊົ້າຂອງວັນທີ 9 ກຸມພາ 2022 ທີ່ຜ່ານມານີ້ທີຫ້ອງປະຊຸມຂອງພະແນກຍຸຕິທຳແຂວງໄດ້ມີກອງປະຊຸມປະກອບຄຳເຫັນໃສ່ (ຮ່າງ) ກົດໝາຍ ວ່າດ້ວຍຄຳຮ້ອງທຸກ ( ສະບັບປັບປຸງ ) ແລະ ເຜີຍແຜ່ເອກະສານສຳຄັນຂອງພັກ ໂດຍການເປັນປະທານຂອງທ່ານ ພວງສັກ ແສງແກ້ວປະເສີດ, ຮອງຫົວໜ້າພະແນກຍຸຕິທຳແຂວງ, ມີບັນດາທ່ານຄະນະພັກ, ຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ພ້ອມດ້ວຍພະນັກງານ-ລັດຖະກອນພາຍໃນພະແນກເຂົ້າຮ່ວມ.

ແຂວງ ຜົ້ງສາລີ ເອົາໃຈໃສ່ຍົກລະດັບທາງດ້ານກົດໝາຍໃຫ້ພະນັກງານຫຼັກແຫຼ່ງ

          ເພື່ອເຮັດໃຫ້ພະນັກງານຫຼັກແຫຼ່ງຂັ້ນແຂວງ ແລະ ເມືອງ ຜົ້ງສາລີ ມີຄວາມຮູ້ພື້ນຖານກ່ຽວກັບລັດຖະທໍາມະນູນ ແລະ ກົດໝາຍນັບມື້ນັບສູງຂຶ້ນ, ແນໃສ່ສ້າງເງື່ອນໄຂໃຫ້ແກ່ການຄຸ້ມຄອງລັດ - ຄຸ້ມຄອງສັງຄົມດ້ວຍກົດໝາຍ ແລະ ປະກອບສ່ວນການສ້າງ ລັດ ສປປ ລາວ ເປັນລັດທີ່ປົກຄອງດ້ວຍກົດໝາຍຂອງປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນເທື່ອລະກ້າວ.

Pages