ແຂວງ ບໍ່ແກ້ວ

ຂ່າວການເຄື່ອນໄຫວ ແລະ ບົດຄວາມອື່ນໆ

ຫ້ອງການຍຸຕິທຳເມືອງ ຕົ້ນເຜີ້ງ ສ້າງແຜນກຳນົດພະນັກງານນຳພາ-ຄຸ້ມຄອງ

ໃນຕອນເຊົ້າຂອງວັນທີ່ 23 ພະຈິກ 2020 ຢູ່ທີ່ຫ້ອງປະຊຸມຫ້ອງການຍຸຕິທຳເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ເປີດກອງປະຊຸມ ກ່ຽວກັບການສ້າງແຜນກຳນົດພະນັກງານນຳພາ-ຄຸ້ມຄອງ ຂັ້ນເມືອງ ຂອງຫ້ອງການຍຸຕິທໍາ. ໃຫ້ກຽດເຂົ້າຮ່ວມເປັນປະທານຂອງທ່ານ ຈັນທະຈອນ ອຸດົມສຸກ ກໍາມະການພັກເມືອງ ຫົວໜ້າຫ້ອງການ ພາຍໃນເມືອງ ຕົ້ນເຜິ້ງ, ມີທ່ານ ສາຍຄຳ ຄຳປະເສີດ ກຳມະການພັກເມືອງ ຫົວໜ້າຫ້ອງການຍຸຕິທຳເມືອງ ຕົ້ນເຜິ້ງ, ມີທ່ານ ອຸ່ນຄໍາ ສີຜາວັນ ຮອງຄະນະຈັດຕັ້ງເມືອງ ພ້ອມດ້ວຍພະນັກງານ-ລັດຖະກອນ, ສະມາຊິກພັກ ພາຍໃນຫ້ອງການຍຸຕິທຳ ແລະ ໄອຍະການປະຈຳ ເມືອງເຂົ້າຮ່ວມ.

ເມືອງ ເມິງ ເປິດຫ້ອງການຊ່ວຍເຫຼືອທາງດ້ານກົດໝາຍ

ໃນວັນທີ 24 ພະຈິກ 2020 ຫ້ອງການຍຸຕິທຳເມືອງ ເມິງ ແຂວງ ບໍ່ແກ້ວ ໄດ້ຈັດພິທີເປິດຫ້ອງການຊ່ວຍເຫຼືອທາງດ້ານກົດໝາຍຂຶ້ນ ຢູ່ທີ່ສະໂມສອນຂອງເມືອງ ໂດຍການເປັນປະທານຂອງ ທ່ານ ສົມສັກ ປິ່ນແກ້ວ ກຳມະການພັກແຂວງ, ເລຂາພັກເມືອງ ເຈົ້າເມືອງ ເມິງ, ໃຫ້ກຽດເຂົ້າຮ່ວມໂດຍ ທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງ ບໍ່ແກ້ວ, ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ, ຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ, ອົງການປົກຄອງບ້ານ, ຄະນະໜ່ວຍໄກ່ເກັ່ຍຂໍ້ຂັດແຍ່ງຂັ້ນບ້ານ ພາຍໃນເທດສະບານ, ຫົວໜ້າຫ້ອງການຍຸຕິທຳ ແລະ ພະນັກງານ-ລັດຖະກອນພາຍໃນຫ້ອງການຍຸຕິທຳເຂົ້າຮ່ວມ.

ພະແນກຍຸຕິທໍາແຂວງ ບໍ່ແກ້ວ ສ້າງຂະບວນການຕ້ອນຮັບວັນຊາດທີ 2 ທັນວາ ຄົບຮອບ 45 ປີ

ໃນວັນທີ 20 ພະຈິກ 2020 ພະນັກງານ-ລັດຖະກອນພາຍໃນພະແນກຍຸຕິທໍາແຂວງ ບໍ່ແກ້ວ ໄດ້ສ້າງຂະບວນການອອກແຮງງານລວມ ຕາມຂອບເຂດຄວາມຮັບຜິດຊອບຂອງຕົນຂຶ້ນ ຊຶ່ງນໍາພາໂດຍ ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທໍາ ພ້ອມດ້ວຍພະນັກງານ-ລັດຖະກອນ ພາຍໃນພະແນກເຂົ້າຮ່ວມ 26 ຄົນ , ຍິງ 13 ຄົນ.

ຮອງຫົວໜ້າພະແນກຍຸຕິທຳແຂວງ ບໍ່ແກ້ວ ລົງຊຸກຍູ້ການຮຽນ-ການສອນກົດໝາຍຢູ່ເມືອງ ຫ້ວຍຊາຍ.

ໃນວັນທີ 19 ພະຈິກ 2020 ຜ່ານມາ ທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ ບໍ່ແກ້ວ ໄດ້ລົງຊຸກຍູ້ວຽກງານ ການຮຽນ-ການສອນກົດໝາຍຂັ້ນພື້ນຖານລະບົບບຳລຸງ 45 ວັນ ຢູ່ເມືອງ ຫ້ວຍຊາຍ, ພ້ອມທັງຂຶ້ນຫ້ອງສອນກົດໝາຍຂັ້ນພື້ນຖານລະບົບບຳລຸງ 45 ວັນ ຢູ່ທີ່ເມືອງ ຫ້ວຍຊາຍ, ແຂວງ ບໍ່ແກ້ວ, ໃຫ້ແກ່ພະນັກງານຫຼັກແຫຼ່ງ ແລະ ສືບທອດຂອງເມືອງ ຫ້ວຍຊາຍ, ຊຸດທີ I ປະຈໍາປີ 2020 ຊຶ່ງເປັນຊຸດທີ X ຂອງແຂວງ ມີສຳມະນາກອນເຂົ້າຮ່ວມທັງໝົດ 51 ທ່ານຍິງ 09 ທ່ານ.

ສຳມະນາກອນກົດໝາຍໄລຍະສັ້ນ 45 ວັນ ສ້າງຂະບວນການກິລາ ທີ່ ເມືອງ ຫ້ວຍຊາຍ ແຂວງ ບໍ່ແກ້ວ.

ໃນຕອນບ່າຍຂອງວັນທີ 13 ພະຈິກ 2020 ທີ່ເດີນກິລາສຸພັດຕາ ເມືອງ ຫ້ວຍຊາຍ ແຂວງ ບໍ່ແກ້ວ ໄດ້ມີການແຂ່ງຂັນກິລາເຕະບານ ມິດຕະພາບຂຶ້ນ ລະຫວ່າງ ສຳມະນາກອນກົດໝາຍໄລຍະສັ້ນ 45 ວັນ ກັບຄະນະຮັບຜິດຊອບຄູ-ອາຈານ ໂດຍການເຂົ້າຮ່ວມຂອງ ທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງ ບໍ່ແກ້ວ ພ້ອມດ້ວຍນັກສຳມະນາກອນ ຄູ-ອາຈານ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

Pages