ແຂວງ ຫຼວງນ້ຳທາ

ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ຫຼວງນ້ຳທາ ເຊື່ອມຊືມ ເອກະສານສຳຄັນຂອງພັກ

          ໃນວັນທີ 27 ກໍລະກົດ 2021 ຢູ່ທີຫ້ອງປະຊູມ ຂອງພະແນກຍຸຕິທຳແຂວງ ຫຼວງນ້ຳທາ. ໜ່ວຍພັກພະແນກຍຸຕິທໍາແຂວງ ໄດ້ຈັດພິທີປະຖະກະຖາເຊື່ອມຊືມ ມະຕິເລກທີ 25/ກມສພ, ລົງວັນທີ່ 17 ພຶດສະພາ 2021 ວ່າດ້ວຍການຍົກສູງຄູນນະພາບ ການເມືອງ - ແນວຄິດ ແລະ ມະຕິເລກທີ 206/ກມສພ, ລົງວັນທີ່ 07 ທັນວາ 2020 ວ່າດ້ວຍການເພີ່ມທະວີນໍາພາຂອງພັກ ຕໍ່ວຽກງານວັດທະນະທໍາໃນໄລຍະໃໝ່, ໂດຍການເປັນປະທານ ແລະ ໃຫ້ກຽດເຊື່ອມຊຶມ ຂອງສະຫາຍ ນາງ ມາລີພອນ ນາບູນແພງ ກຳມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະພະແນກ, ພ້ອມດ້ວຍສະມະຊີກພັກພາຍໃນພະແນກຍຸຕິທໍາ ເຂົ້າຮ່ວມຢ່າງພ້ອມພຽງ.

ເມືອງ ຫຼວງນໍ້າທາ ເປີດຊຸດຝຶກອົບຮົມກົດໝາຍ 45 ວັນ ໃຫ້ພະນັກງານຮາກຖານບ້ານ.

          ໃນວັນທີ 27 ກໍລະກົດ 2021 ຢູ່ທີ່ ຫ້ອງການ ບ້ານໄຊສົມບຸນ ເມືອງ ຫຼວງນໍ້າທາ ແຂວງ ຫຼວງນໍ້າທາ ໄດ້ຈັດພິທີເປີດຊຸດຝຶກອົບຮົມກົດໝາຍຂັ້ນພື້ນຖານລະບົບບໍາລຸງ 45 ວັນ, ໃຫ້ພະນັກງານຮາກຖານບ້ານ ໃນເທດສະບານ ເມືອງ ຫຼວງນໍ້າທາ ແຂວງ ຫຼວງນໍ້າທາ ຊຸດທີ III ປະຈໍາປີ 2021 ຂຶ້ນ; ໂດຍການ ເປັນທານ ຂອງທ່ານ ຫຼ້າປະເສີດ ສີປະເສີດ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງ ຫຼວງນໍ້າທາ, ໃຫ້ກຽດເຂົ້າຮ່ວມໂດຍທ່ານ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ, ມີກໍາມະການພັກເມືອງ ,ຫົວໜ້າຫ້ອງການ, ຮອງຫົວໜ້າຫ້ອງການ, ພະນັກງານວິຊາການ ຫ້ອງການຍຸຕິທໍາເມືອງ, ແຂກຖືກເຊີນ ຄູຝືກ ແລ

ພິທີປາຖະກະຖາ ເລົ່າມູນເຊື້ອວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ

          ໃນຕອນເຊົ້າວັນທີ 15 ກໍລະກົດ 2021 ທີ່ຫ້ອງປະຊູມສານປະຊາຊົນແຂວງ ຫຼວງນໍ້າທາ ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 66 ປີ (20 ກໍລະກົດ 1955-20 ກໍລະກົດ 2021) ຂຶ້ນ ໂດຍການເປັນປະທານ ແລະ ໃຫ້ກຽດເລົ່າມູນເຊື້ອ ຂອງທ່ານ ນາງ ລຸນນີ ມີ່ງເມືອງ ຄະນະບໍລິຫານງານສະຫະພັນແມ່ຍິງແຂວງ ຫຼວງນ້ຳທາ, ມີ ທ່ານ ພອນສະຫວັນ ວໍລະວົງ ຮອງເລຂາ ໜ່ວຍພັກ ສານປະຊາຊົນແຂວງ, ທ່ານ ນາງ ວຽງທອງ ສີວິໄລ ຄະນະໜ່ວຍພັກ ພະແນກຍຸຕິທຳ, ມີອົງການຈັດຕັ້ງມະຊົນ ແລະ ເອື້ອຍນ້ອງແມ່ຍິງພະແນກຍຸຕິທໍາແຂວງ ແລະ ສານປະຊາຊົນ ເຂົ້າຮ່ວມຮັບຟັງ.

ເມືອງ ນາແລ ເປີດຊຸດຝຶກອົບຮົມກົດໝາຍ 45 ວັນ

          ໃນວັນທີ 1 ກໍລະກົດ 2021 ຜ່ານມາ ຢູ່ທີ່ຫ້ອງປະຊຸມ ໂຮງຮຽນມັດທະຍົມສົມບຸນເທດສະບານ ເມືອງ ນາແລ ແຂວງ ຫຼວງນໍ້າທາ ໄດ້ເປີດຊຸດຝຶກອົບຮົມກົດໝາຍຂັ້ນພື້ນຖານລະບົບບໍາລຸງ 45 ວັນ, ໃຫ້ແກ່ພະນັກງານພາຍໃນເທດສະບານຂອງເມືອງ ແລະ ກຸ່ມບ້ານ ພາຍໃນເມືອງ ນາແລ ໂດຍການເປັນປະທານ ຂອງທ່ານ ທໍາມະວົງ ບຸນຖາວອນ ຮອງເລ​ຂາ​ພັກເມືອງ ຫົວໜ້າອົງການກວດກາລັດ ເມືອງ ນາແລ ແລະ ໃຫ້ກຽດເຂົ້າຮ່ວມໂດຍທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້ທາ ມີ ຫົວໜ້າ, ຮອງຫົວໜ້າຫ້ອງການຍຸຕິທໍາເມືອງ ນາແລ, ພະນັກງານອ້ອມຂ້າງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມທັງໝົດ 45 ທ່ານ, ຍິງ 8 ທ່ານ.

ກອງປະຊຸມວຽກງານຍຸຕິທໍາຮາກຖານ ປະຈໍາປີ 2020 ແລະ ວາງທິດທາງແຜນການປະຈໍາປີ 2021

          ໃນວັນທີ 23 ມີຖຸນາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ຫຼວງນໍ້າທາ ໄດ້ເປີດກອງປະຊຸມວຽກງານຍຸຕິທໍາຮາກຖານ ປະຈໍາປີ 2020 ແລະ ວາງທິດທາງແຜນການປະຈໍາປີ 2021 ຂຶ້ນ ໂດຍການເປັນປະທານຂອງ ທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ມີ ຄະນະພະແນກ, ຫົວໜ້າ, ຮອງຫົວໜ້າຫ້ອງການຍຸຕິທໍາເມືອງ ແລະ ຫົວໜ້າ, ຮອງຫົວໜ້າຂະແໜງ ພາຍໃນພະແນກຍຸຕິທໍາເຂົ້າຮ່ວມ 20 ທ່ານ, ຍິງ 3 ທ່ານ.

ມອບ-ຮັບ ໜ້າທີ່ ຫົວໜ້າຫ້ອງການຍຸຕິທໍາ ເມືອງ ນາແລ ແຂວງ ຫຼວງນຳ້ທາ

          ພິທີມອບ-ຮັບ ໜ້າທີ່ ຫົວໜ້າຫ້ອງການຍຸຕິທໍາ ເມືອງ ນາແລ ໄດ້ຈັດຂຶ້ນ ໃນວັນທີ 25 ມິຖຸນາ 2021 ຜ່ານມາ ຢູ່ທີ່ຫ້ອງປະຊຸມ ຫ້ອງການຍຸຕິທໍາເມືອງ ນາແລ ແຂວງ ຫຼວງນໍ້າທາ ໂດຍການເປັນປະທານ ຂອງທ່ານ ບຸນປີ ໄລປະເສີດ ກໍາມະການພັກແຂວງ ເລຂາພັກເມືອງ ເຈົ້າເມືອງ ນາແລ, ໃຫ້ກຽດເຂົ້າຮ່ວມໂດຍທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ , ມີບັນດາຫ້ອງການອ້ອມຂ້າງເມືອງ ແລະ ພະນັກງານວິຊາການ ພະແນກຍຸຕິທໍາແຂວງ, ຫ້ອງການຍຸຕິທໍາເມືອງ ເຂົ້າຮ່ວມ ທັງໝົດ 18 ທ່ານ, ຍິງ 6 ທ່ານ.

Pages