ແຂວງ ຫຼວງພະບາງ

ຂ່າວການເຄື່ອນໄຫວ ແລະ ບົດຄວາມອື່ນໆ

ສ້າງສະຕິເຄົາລົບກົດໝາຍໃຫ້ປະຊາຊົນພາຍໃນກຸ່ມ ນໍ້າລວງ ເມືອງ ໂພນທອງ ແຂວງ ຫຼວງພະບາງ.

          ໃນກາງເດືອນມີນາ 2021 ນີ້, ຫ້ອງການຍຸຕິທໍາເມືອງ ໂພນທອງ ແຂວງ ຫຼວງພະບາງ ໄດ້ລົງໂຄສະນາເຜີຍແຜ່ກົດໝາຍ ຢູ່ພາຍໃນກຸ່ມ ນໍ້າລວງ, ຊຶ່ງປະກອບມີ ບ້ານ ນາວັດ, ບ້ານ ສົບພົນ, ບ້ານ ໂພນສຸກ, ບ້ານ ນໍ້າລວງ, ບ້ານ ຫ້ວຍຕະໂລງ, ມຕ ສົບພົນ ແລະ ມສ ບ້ານ ເມືອງຮຶບ ມີຄອບຄົວທັງໝົດ 360 ຄອບຄົວ, ມີພົນລະເມືອງທັງໝົດ 2,585 ຄົນ, ຍິງ 1,270 ຄົນ, ມີຈໍານວນຜູ້ເຂົ້າຮ່ວມຮັບຟັງທັງໝົດ 656 ຄົນ, ຍິງ 297 ຄົນ, ມີເດັກຕໍາກວ່າ 18 ປີ ລົງມາເຂົ້າຮ່ວມຮັບຟັງ 321 ຄົນ, ຍິງ 165 ຄົນ ໂດຍແມ່ນທ່ານ ຄໍາແພງ ໄຊອຸດົມ ຮອງຫົວໜ້າຫ້ອງການຍຸຕິທໍາເມືອງ ພ້ອມດ້ວຍພະນັກງານວິຊາການອີກຈໍານວນໜຶ່ງເປັນຜູ້ໂຄສະນາເຜີຍແຜ່ນິຕິກຳ.

ເມືອງ ໂພນທອງ ປະກາດບ້ານແບບຢ່າງປະຕິບັດກົດໝາຍ

          ໃນຕອນເຊົ້າ ວັນທີ 28-29 ມັງກອນ 2021 ນີ້ຫ້ອງການຍຸຕິທຳເມືອງ ໂພນທອງ ແຂວງ ຫຼວງພະບາງ ໄດ້ຈັດພິທີປະກາດຮັບຮອງ ບ້ານ ນໍ້າລວງ ກຸ່ມນໍ້າລວງ ແລະ ບ້ານ ນາຄຳ ກຸ່ມເມືອງຮຶບ ເປັນບ້ານແບບຢ່າງປະຕິບັດກົດໝາຍ, ໂດນເປັນປະທານທ່ານ ສົມວອນ ແກ້ວຄຳພອນ ປະທານກວດກາພັກ-ລັດເມືອງ, ທ່ານ ສຸວັນນະສົງຄາມ ໄຊຊະນະ ຄະນະພັກພະແນກ ຫົວໜ້າຂະແໜງການຍຸຕິທໍາຮາກຖານ ພະແນກຍຸຕິທຳແຂວງ, ມີເລຂາພັກບ້ານ, ພ້ອມດ້ວຍເຖົ້າແກ່ແນວໂຮມ ແລະ ພໍ່ແມ່ປະຊາຊົນທັງ 2 ບ້ານເຂົ້າຮ່ວມທັງໝົດ 215 ຄົນ, ຍິງ 102 ຄົນ.

ພິທີປິດຝຶກອົບຮົມກົດໝາຍໄລຍະສັ້ນ 45 ວັນຊຸດທີVII ສົກປີ 2020

          ໃນຕອນເຊົ້າວັນທີ 22 ມັງກອນ 2021 ຜ່ານມານີ້, ຢູ່ທີ່ຫ້ອງປະຊຸມພະແນກຍຸຕິທໍາແຂວງ ຫຼວງພະບາງ ໄດ້ມີພິທີປິດການອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງ ແຂວງຫຼວງພະບາງ ຊຸດທີ VII ປະຈໍາປີ 2020 ໃຫ້ກຽດເປັນປະທານໂດຍທ່ານ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ຫົວໜ້າຄະນະໂຄສະນາອົບຮົມແຂວງ, ມີທ່ານ ມີໄຊ ໄຊເກີຢ່າຈົ່ງຕົວ ຫົວໜ້າພະແນກຍຸຕິທໍາແຂວງ ມີຫົວໜ້າຂະແໜງ, ຮອງຂະແໜງ, ຄູຝຶກ, ແຂກຖືກເຊີນ ແລະ ຜູ້ເຂົ້າຮ່ວມຝຶກອົບຮົມ.

ຢັ້ງຢືນໜ່ວຍຊາວໜຸ່ມຮາກຖານພະແນກຍຸຕິທໍາແຂວງຫຼວງພະບາງເປັນໜ່ວຍຊາວໜຸ່ມ 4 ບຸກ

ພິທີຢັ້ງຢືນໜ່ວຍຊາວໜຸ່ມຮາກຖານພະແນກຍຸຕິທໍາແຂວງຫຼວງພະບາງເປັນໜ່ວຍຊາວໜຸ່ມ 4 ບຸກ ໄດ້ຈັດຂຶ້ນໃນວັນທີ 24 ທັນວາ 2020 ທີ່ຫ້ອງປະຊຸມພະແນກຍຸຕິທໍາແຂວງ ໃຫ້ກຽດເປັນປະທານຂອງ ສະຫາຍ ມີໄຊ ໄຊເກີ່ຢ່າຈົ່ງຕົວ ຫົວໜ້າພະແນກຍຸຕິທໍາແຂວງ, ມີສະຫາຍ ນາງ ກິນນາລີ ສີບຸນເຮືອງ ຮັກສາການຫົວໜ້າຂະແໜງສື່ມວນຊົນ ຄະນະບໍລິຫານງານຊາວໜຸ່ມແຂວງຫຼວງພະບາງ, ສະຫາຍ ຄໍາພັນ ທິດາລັກ ເລຂາໜ່ວຍຊາວໜຸ່ມຮາກຖານພະແນກຍຸຕິທໍາແຂວງ, ມີແຂກຖືກເຊີນ ແລະ ສະມາຊິກຊາວໜຸ່ມພາຍໃນພະແນກເຂົ້າຮ່ວມ.

ກຳມະບານພະແນກຍຸຕິທຳແຂວງຫຼວງພະບາງໄດ້ນາມມະຍົດຂະບວນການແຂ່ງຂັນ 5 ເປັນເຈົ້າ ປະຈຳປີ 2019

ໃນຕອນບ່າຍຂອງວັນທີ 24 / 12/ 2020 ທີ່ຫ້ອງປະຊຸມຂອງພະແນກຍຸຕິທໍາແຂວງ ໄດ້ຈັດມີພິທີປະກາດນາມມະຍົດຂະບວນແຂ່ງຂັນ 5 ເປັນເຈົ້າ ຄັ້ງທີ່ I ປະຈໍາ 2019 ຂຶ້ນຢ່າງເປັນທາງການ, ເປັນປະທານໂດຍ ທ່ານ ມີໄຊ ໄຊເກີຢ່າຈົງຕົວ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ໃຫ້ກຽດເຂົ້າຮ່ວມໂດຍ ທ່ານ ສົມເພັດ ວັນນະກອນ ຮອງປະທານກໍາມະບານແຂວງ ແລະ ທ່ານ ບຸນທັນ ສົມຈິດວົງສາ ຫົວໜ້າຂະແໜງໂຄສະນາເຜີຍແຜ່ກົດໝາຍ ທັງເປັນຄະນະກໍາມະບານຮາກຖານພະແນກຍຸຕິທໍາ, ມີສະມາຊິກກໍາມະບານ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

ພະແນກຍຸຕິທໍາແຂວງ ຫຼວງພະບາງ ເປີດການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍ

ໃນວັນທີ 23 ພະຈິກ 2020 ນີ້, ຢູ່ທີ່ຫ້ອງປະຊຸມພະແນກກະສິກໍາ ແລະ ປ່າໄມ້ ແຂວງ ຫຼວງພະບາງ ໄດ້ມີພິທີເປີດການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍໃຫ້ພະນັກງານຂະແໜງສົ່ງເສີມວຽກງານຍຸຕິທໍາ, ຫ້ອງການຍຸຕິທໍາ 11 ເມືອງ 01 ນະຄອນ ຊຶ່ງຂຶ້ນກັບພະແນກຍຸຕິທໍາແຂວງ ຫຼວງພະບາງ, ໂດຍການເປັນປະທານຮ່ວມຂອງ ທ່ານ ວົງສະຫວັນ ເທບພະຈັນ ຮອງເຈົ້າແຂວງ ຫຼວງພະບາງ, ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ, ທ່ານ peter Haymond ເອກອັກຄະລະຖະທູດ ສະຫະລັດອາເມລິກາ ປະຈໍາ ສປປ ລາວ, ມີຄະນະພະແນກຍຸຕິທໍາ, ຜູ້ຕາງໜ້າອົງການມູນນິທີເອເຊຍປະຈໍາລາວ, ວິທະຍາກອນ, ແຂກຖືກເຊີນ ແລະ ຜູ້ເຂົ້າຝຶກອົບຮົມວຽກງານຊ່ວຍເຫຼືອທາງດ້ານກົດໝາຍເຂົ້າຮ່ວມ 98 ທ່ານ ຍິງ

ເມືອງ ປາກແຊງ ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ທີ່ບ້ານ ປາກເກງ

ໃນວັນທີ 18 ພະຈິກ 2020 ນີ້ ຢູ່ທີ່ຫ້ອງປະຊຸມຫ້ອງການບ້ານ ປາກເກງ ເມືອງ ປາກແຊງ ແຂວງ ຫຼວງພະບາງ ໄດ້ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ຂຶ້ນ ໃຫ້ກຽດເປັນປະທານຂອງທ່ານ ທອງສິງ ໄຊຍະສຸກ ຮອງເລຂາພັກເມືອງ ຜູ້ຊີ້ນໍາຂົງເຂດພັກ-ພະນັກງານ, ມີຫົວໜ້າຫ້ອງການ, ຮອງຫົວໜ້າຫ້ອງການ, ແຂກຖືກເຊີນ ແລະ ສໍາມະນາກອນເຂົ້າຮ່ວມ.

ແຂວງ ຫຼວງພະບາງ ຍົກລະດັບຄວາມຮູ້ທາງດ້ານກົດໝາຍໃຫ້ພະນັກງານຫຼັກແຫຼ່ງ

ໃນວັນທີ 13 ພະຈິກ 2020ນີ້ ພະແນກຍຸຕິທໍາແຂວງ ຫຼວງພະບາງ ໄດ້ຈັດຊຸດອົບຮົມກົດໝາຍໄລຍະສັ້ນ 45 ວັນ ໃຫ້ພະນັກງານຫຼັກແຫຼ່ງແຂວງ ຫຼວງພະບາງ ຊຶ່ງເປັນຊຸດທີ VII ໂດຍການເປັນປະທານຂອງ ທ່ານ ສຸກັນ ບຸນຍົງ ຮອງເຈົ້າແຂວງ ຫຼວງພະບາງ, ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ ພ້ອມດ້ວຍຄະນະຮັບຜິດຊອບ, ວິທະຍາກອນ ແລະ ສໍາມະນາກອນເຂົ້າຮ່ວມ.

ພະແນກຍຸຕິທຳແຂວງ ຫຼວງພະບາງ ໄດ້ຈັດພິທີປິດການຮຽນ-ການສອນກົດໝາຍຊັ້ນຕົ້ນ ຢູ່ເມືອງ ງອຍ ແຂວງ ຫຼວງພະບາງ

ໃນຕອນ​ເຊົ້າ​ຂອງ​ວັນ​ທີ 29 ມິຖຸນາ 2018 ພະ​ແນ​ກຍຸຕິ​ທໍາ​ແຂວງ ຫຼວງພະ​ບາງ ໄດ້ຈັດພິທີປິດການຮຽນ - ການສອນກົດໝາຍຊັ້ນຕົ້ນ ຊຸດ​ທີ VII ປະຈຳ​ປີ 2018 ຢູ່ທີ່​ຫ້ອງປະຊຸມ​ໃຫຍ່​ເທດສະບານ​ເມືອງ ງອຍ ແຂວງ ຫຼວງພະ​ບາງ ​ໂດຍ​ການ​​ເປັນ​ປະທານຂອງທ່ານ ຄຳ​ດີ ຈິດຕະປັນຍາ​ ຮອງ​ເລຂາ​ພັກ​ເມືອງ ປະທານ​ແນວ​ລາວ​ສ້າງ​ຊາດ​ເມືອງ, ​ເຂົ້າ​ຮ່ວມ ມີ​ທ່ານ ມີ​ໄຊ ​ໄຊ​ເກີ​ຢ່າ​ຈົ່ງ​ຕົວ ຫົວໜ້າພະແນກຍຸຕິທໍາແຂວງ ​ຫຼວງພະ​ບາງ, ​ມີຫົວໜ້າຫ້ອງການ​ຍຸຕິ​ທຳ​ເມືອງ,​ ທ່ານຜູ້ຕາງໜ້າຈາກ​ຫ້ອງ​ການ​ອ້ອມ​ຂ້າງ​ເມືອງ ​ແລະ ​ນັກ​ສຳ​ມະ​ນາກ​ອນ ເຂົ້າຮຽນທັງໝົດ 64 ຄົນ, ຍິງ 17 ຄົນ.

ພະແນກຍຸຕິທຳແຂວງ ໄດ້ຈັດພິທີປິດການຮຽນ-ການສອນກົດໝາຍຊັ້ນຕົ້ນ ຢູ່ເມືອງ ປາກອູ ແຂວງ ຫຼວງພະບາງ

ໃນຕອນ​ເຊົ້າ​ຂອງ​ວັນ​ທີ 7 ມິຖຸນາ 2018 ພະ​ແນ​ກຍຸຕິ​ທໍາ​ແຂວງ ໄດ້ຈັດພິທີປິດການຮຽນ - ການສອນກົດໝາຍຊັ້ນຕົ້ນ ຊຸດ​ທີ VII ປະຈຳ​ປີ 2018 ຢູ່ທີ່​ບ້ານ ​ປາກ​ອູ, ເມືອງ ປາກ​ອູ, ແຂວງ ຫຼວງພະ​ບາງ ​ໂດຍ​ການ​​ເປັນ​ປະທານຂອງທ່ານ ອຸ​ຕິ່ງ ພັນ​ດາ​ລັກ​ ຮອງ​ເລຂາ​ພັກ​ເມືອງ ຮອງ​ເຈົ້າ​ເມືອງ ​ເມືອງ ປາກ​ອູ ​ເຂົ້າ​ຮ່ວມ ມີ​ທ່ານ ຄອນ​ສີ ຄອນ​ຈະ​ເລີ​ນ ຮອງຫົວໜ້າພະແນກຍຸຕິທໍາແຂວງ ​ຫຼວງພະ​ບາງ, ​ມີຫົວໜ້າຫ້ອງການ​ຍຸຕິ​ທຳ​ເມືອງ,​ ທ່ານຜູ້ຕາງໜ້າຈາກ​ຫ້ອງ​ການ​ອ້ອມ​ຂ້າງ​ເມືອງ ​ແລະ ​ນັກ​ສຳ​ມະ​ນາກ​ອນ ເຂົ້າຮ່ວມທັງໝົດ 106 ຄົນ, ຍິງ 26 ຄົນ.

Pages