ແຂວງ ຫຼວງນ້ຳທາ

ຂ່າວການເຄື່ອນໄຫວ ແລະ ບົດຄວາມອື່ນໆ

ພິທີປາຖະກະຖາ ເລົ່າມູນເຊື້ອວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ

          ໃນຕອນເຊົ້າວັນທີ 15 ກໍລະກົດ 2021 ທີ່ຫ້ອງປະຊູມສານປະຊາຊົນແຂວງ ຫຼວງນໍ້າທາ ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 66 ປີ (20 ກໍລະກົດ 1955-20 ກໍລະກົດ 2021) ຂຶ້ນ ໂດຍການເປັນປະທານ ແລະ ໃຫ້ກຽດເລົ່າມູນເຊື້ອ ຂອງທ່ານ ນາງ ລຸນນີ ມີ່ງເມືອງ ຄະນະບໍລິຫານງານສະຫະພັນແມ່ຍິງແຂວງ ຫຼວງນ້ຳທາ, ມີ ທ່ານ ພອນສະຫວັນ ວໍລະວົງ ຮອງເລຂາ ໜ່ວຍພັກ ສານປະຊາຊົນແຂວງ, ທ່ານ ນາງ ວຽງທອງ ສີວິໄລ ຄະນະໜ່ວຍພັກ ພະແນກຍຸຕິທຳ, ມີອົງການຈັດຕັ້ງມະຊົນ ແລະ ເອື້ອຍນ້ອງແມ່ຍິງພະແນກຍຸຕິທໍາແຂວງ ແລະ ສານປະຊາຊົນ ເຂົ້າຮ່ວມຮັບຟັງ.

ເມືອງ ນາແລ ເປີດຊຸດຝຶກອົບຮົມກົດໝາຍ 45 ວັນ

          ໃນວັນທີ 1 ກໍລະກົດ 2021 ຜ່ານມາ ຢູ່ທີ່ຫ້ອງປະຊຸມ ໂຮງຮຽນມັດທະຍົມສົມບຸນເທດສະບານ ເມືອງ ນາແລ ແຂວງ ຫຼວງນໍ້າທາ ໄດ້ເປີດຊຸດຝຶກອົບຮົມກົດໝາຍຂັ້ນພື້ນຖານລະບົບບໍາລຸງ 45 ວັນ, ໃຫ້ແກ່ພະນັກງານພາຍໃນເທດສະບານຂອງເມືອງ ແລະ ກຸ່ມບ້ານ ພາຍໃນເມືອງ ນາແລ ໂດຍການເປັນປະທານ ຂອງທ່ານ ທໍາມະວົງ ບຸນຖາວອນ ຮອງເລ​ຂາ​ພັກເມືອງ ຫົວໜ້າອົງການກວດກາລັດ ເມືອງ ນາແລ ແລະ ໃຫ້ກຽດເຂົ້າຮ່ວມໂດຍທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້ທາ ມີ ຫົວໜ້າ, ຮອງຫົວໜ້າຫ້ອງການຍຸຕິທໍາເມືອງ ນາແລ, ພະນັກງານອ້ອມຂ້າງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມທັງໝົດ 45 ທ່ານ, ຍິງ 8 ທ່ານ.

ກອງປະຊຸມວຽກງານຍຸຕິທໍາຮາກຖານ ປະຈໍາປີ 2020 ແລະ ວາງທິດທາງແຜນການປະຈໍາປີ 2021

          ໃນວັນທີ 23 ມີຖຸນາ 2021 ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ຫຼວງນໍ້າທາ ໄດ້ເປີດກອງປະຊຸມວຽກງານຍຸຕິທໍາຮາກຖານ ປະຈໍາປີ 2020 ແລະ ວາງທິດທາງແຜນການປະຈໍາປີ 2021 ຂຶ້ນ ໂດຍການເປັນປະທານຂອງ ທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ມີ ຄະນະພະແນກ, ຫົວໜ້າ, ຮອງຫົວໜ້າຫ້ອງການຍຸຕິທໍາເມືອງ ແລະ ຫົວໜ້າ, ຮອງຫົວໜ້າຂະແໜງ ພາຍໃນພະແນກຍຸຕິທໍາເຂົ້າຮ່ວມ 20 ທ່ານ, ຍິງ 3 ທ່ານ.

ມອບ-ຮັບ ໜ້າທີ່ ຫົວໜ້າຫ້ອງການຍຸຕິທໍາ ເມືອງ ນາແລ ແຂວງ ຫຼວງນຳ້ທາ

          ພິທີມອບ-ຮັບ ໜ້າທີ່ ຫົວໜ້າຫ້ອງການຍຸຕິທໍາ ເມືອງ ນາແລ ໄດ້ຈັດຂຶ້ນ ໃນວັນທີ 25 ມິຖຸນາ 2021 ຜ່ານມາ ຢູ່ທີ່ຫ້ອງປະຊຸມ ຫ້ອງການຍຸຕິທໍາເມືອງ ນາແລ ແຂວງ ຫຼວງນໍ້າທາ ໂດຍການເປັນປະທານ ຂອງທ່ານ ບຸນປີ ໄລປະເສີດ ກໍາມະການພັກແຂວງ ເລຂາພັກເມືອງ ເຈົ້າເມືອງ ນາແລ, ໃຫ້ກຽດເຂົ້າຮ່ວມໂດຍທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ , ມີບັນດາຫ້ອງການອ້ອມຂ້າງເມືອງ ແລະ ພະນັກງານວິຊາການ ພະແນກຍຸຕິທໍາແຂວງ, ຫ້ອງການຍຸຕິທໍາເມືອງ ເຂົ້າຮ່ວມ ທັງໝົດ 18 ທ່ານ, ຍິງ 6 ທ່ານ.

ແຂວງ ຫຼວງນຳ້ທາ ປະກາດບ້ານແບບຢ່າງປະຕິບັດກົດໝາຍທີ່ ເມືອງ ຫຼວງນໍ້າທາ

          ໃນຕອນເຊົ້າ ຂອງວັນທີ 30 ມິນາ 2021 ທີ່ຜ່ານມາ ຢູ່ທີ່ ບ້ານ ນໍ້າຍາງ ເມືອງ ຫຼວງນໍ້າທາ ແຂວງ ຫຼວງນໍ້າທາ ໄດ້ຈັດພິທີປະກາດບ້ານແບບຢ່າງປະຕິບັດກົດໝາຍຂຶ້ນ ໂດຍການເປັນປະທານຮ່ວມຂອງ ທ່ານ ຫຼ້າປະເສີດ ສີປະເສີດ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງ ຫຼວງນໍ້າທາ ແລະ ທ່ານ ຄໍາເຜີຍ ບຸດດີ ຫົວໜ້າຫ້ອງການຍຸຕິທໍາເມືອງ ຫຼວງນໍ້າທາ. ມີຫົວໜ້າຫ້ອງ, ຮອງຫົວໜ້າຫ້ອງການພາຍໃນເມືອງ , ຄະນະພັກຮາກຖານບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ, ແຂກຖືກເຊີນ ພໍ່,ແມ່ ປະຊາຊົນພາຍໃນບ້ານ ແລະ ພະນັກງານ-ລັດຖະກອນ ຫ້ອງການຍຸຕິທໍາເມືອງ ເຂົ້າຮ່ວມທັງໝົດ 174 ທ່ານ, ຍິງ 28 ທ່ານ.

ສ້າງຄວາມເຂັ້ມແຂງວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານໃຫ້ພະນັກງານຫຼັກແຫຼ່ງສອງແຂວງພາກເໜືອ

          ໃນວັນທີ 15 ມີນາ 2021 ຢູ່ທີ່ຫ້ອງປະຊຸມຂອງຫ້ອງວ່າການປົກຄອງແຂວງ ຫຼວງນໍ້າທາ ໄດ້ເປີດຊຸດຝຶກອົບຮົມວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານໄກ່ເກັ່ຍຂໍ້ຂັດແຍ່ງຂັ້ນບ້ານຂຶ້ນ ໂດຍການເປັນປະທານຮ່ວມ ຂອງທ່ານ ເພັດສະຫວັນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ ຫຼວງນໍ້າທາ ແລະ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທໍາ ກະຊວງຍຸຕິທໍາ, ມີຜູ້ຕາງໜ້າ ຈາກ ມູນນິທິເອເຊຍ ປະຈໍາລາວ, ພະນັກງານ-ລັດຖະກອນ, ຫ້ອງການຍຸຕິທໍາແຂວງ ອຸດົມໄຊ ແລະ ພະນັກງານ-ລັດຖະກອນ ເມືອງ ສິງ ແລະ ເມືອງ ລອງ ແຂວງ ຫຼວງນໍ້າທາ ເຂົ້າຮ່ວມທັງໝົດ 40 ທ່ານ, ຍິງ 9 ທ່ານ.

ພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງ ຫຼວງນໍ້າທາ ຮ່ວມແຮງຮ່ວມໃຈບໍລິຈາກເລືອດຊ່ວຍເຫຼືອສັງຄົມ.

          ຕອນເຊົ້າຂອງວັນທີ 24 ກຸມພາ 2021 ຢູ່ທີ່ພະແນກຍຸຕິທໍາແຂວງ ຫຼວງນໍ້າທາ ໄດ້ຈັດພິທີ ບໍລິຈາກເລືອດ ໂດຍການເປັນປະທານ ຂອງທ່ານ ນາງ ມາລີພອນ ນາບຸນແພງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ເຂົ້າຮ່ວມໃນພິທີ ມີ ທ່ານ ນາງ ຈັນສະໝອນ ສຸລິຍະວົງ ຕາງໜ້າສູນເລືອດ ປະຈໍາແຂວງຫຼວງນໍ້າທາ ພ້ອມດ້ວຍພະນັກງານແພດ, ມີພະນັກງານ-ລັດຖະກອນພະແນກຍຸຕິທໍາ ແລະ ສານປະຊາຊົນແຂວງເຂົ້າຮ່ວມ.

Pages