ກອງປະຊຸມ-ສຳມະນາ

ເມືອງ ແປກ ແຂວງ ຊຽງຂວາງ ເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ

          ໃນວັນທີ 3 ກັນຍາ 2021 ຜ່ານມາ, ຢູ່ທີ່ຫ້ອງການບ້ານ ຍວນ ເມືອງ ແປກ ແຂວງ ຊຽງຂວາງ ໄດ້ຈັດພິທີເປີດຊຸດຝຶກອົບຮົມກົດໝາຍຂົັ້ນພື້ນຖານລະບົບບຳລຸງ 45 ວັນ ຂຶ້ນພາຍໃຕ້ການເປັນປະທານຮ່ວມໂດຍທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ ແລະ ທ່ານ ສິນທະວົງ ພິມມະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານກົດໝາຍ, ມີບັນດາທ່ານກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ປກສ, ປກຊ ແລະ ນັກຝຶກອົບຮົມ ເຂົ້າຮ່ວມທັງໝົດ 55 ທ່ານ, ຍິງ 18 ທ່ານ.

ພະແນກຍຸຕິທຳແຂວງ ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ ແຕ່ປີ 2016-2020 ແລະ ສ້າງແຜນກຳນົດ 2021-2025

          ໃນວັນທີ 2 ກັນຍາ 2021 ນີ້, ພະແນກຍຸຕິທຳແຂວງ ອັດຕະປື ໄດ້ຈັດກອງປະຊຸມສະຫຼຸບແຜນກຳນົດພະນັກງານນຳພາ-ຄຸ້ມຄອງ(2016-2020) ແລະ ສ້າງແຜນກຳນົດພະນັກງານນຳພາ-ຄຸ້ມຄອງ (2021-2025). ໂດຍໃຫ້ກຽດເປັນປະທານຂອງ ທ່ານ ຄຳຫຼ້າ ແກ້ວວັນສອນ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ແລະ ໃຫ້ກຽດເຂົ້າຮ່ວມເປັນຄະນະປະທານຂອງ ທ່ານ ຄຳເສົາ ອຳມະສອນ ຮອງເລຂາໜ່ວຍພັກ, ຮອງຫົວໜ້າຄະນະຈັດຕັ້ງແຂວງ ມີຄະນະພັກ-ຄະນະນຳ, ມີພະນັກງານສະມາຊິກພັກ, ພະນັກງານ-ລັດຖະກອນພາຍໃນພະແນກຍຸຕິທຳແຂວງ, ແຂກຖືກເຊີນ, ພ້ອມດ້ວຍຄະນະຮັບຜິດຊອບຂັ້ນແຂວງ ເຂົ້າຮ່ວມ 24 ທ່ານ, ຍິງ 11 ທ່ານ.

ກອງປະຊຸມພິຈາລະນາຮັບຮອງ "ຮ່າງ" ດຳລັດວ່າດ້ວຍຫ້ອງການໄກ່ເກ່ຍຂໍ້ຂັດແຍ່ງທາງດ້ານເສດຖະກິດເອກະຊົນ ແລະ "ຮ່າງ" ດຳລັດວ່າດ້ວຍຄ່າແຮງງານຂອງຜູ້ໄກ່ເກ່ຍ ແລະ ຜູ້ຕັດສີນຂໍ້ຂັດແຍ່ງທາງດ້ານເສດຖະກິດ.

          ໃນວັນທີ 31 ສິງຫາ 2021 ຢູ່ທີ່ໂຮງແຮມຄຣາວພລາຊາ ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ກະຊວງຍຸຕິທຳ ໄດ້ຈັດກອງປະຊຸມພິຈາລະນາຮັບຮອງ"ຮ່າງ" ດຳລັດວ່າດ້ວຍຫ້ອງການໄກ່ເກ່ຍຂໍ້ຂັດແຍ່ງທາງດ້ານເສດຖະກິດເອກະຊົນ ແລະ "ຮ່າງ" ດຳລັດວ່າດ້ວຍຄ່າແຮງງານຂອງຜູ້ໄກ່ເກ່ຍ ແລະ ຜູ້ຕັດສີນຂໍ້ຂັດແຍ່ງທາງດ້ານເສດຖະກິດ ໂດຍການເປັນປະທານຂອງ ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທຳ.

ສະຖາບັນຍຸຕິທໍາແຫ່ງຊາດ ໄດ້ຈັດເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານ

          ໃນຕອນເຊົ້າຂອງວັນທີ 30 ສິງຫາ 2021 ຢູ່ທີ່ໂຮງແຮມເມືອງ ແທ໋ງ ນະຄອນຫຼວງວຽງຈັນ ໄດ້ເປີດຊຸດຝຶກອົບຮົມທັກສະ ແລະ ວິທີການສອນຫຼັກສູດກໍ່ສ້າງວິຊາຊີບທະບຽນສານທາງອອນລາຍຂຶ້ນ ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ມີທ່ານ ບຸນຕາ ສ.ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ ທ່ານ ຫງວ໋ຽນຊວນທູ ຜູ້ອໍານວຍການສະຖາບັນຍຸຕິທໍາຫວຽດນາມ ມີຄະນະບໍລິຫານ, ຄະນະຊ່ວຍວຽກໂຄງການ, ນາຍແປພາສາ ແລະ ອາຈານ ທັງສອງຝ່າຍ ພ້ອມດ້ວຍນັກຝຶກອົບຮົມຂອງລາວເຂົ້າຮ່ວມ.
Subscribe to RSS - ກອງປະຊຸມ-ສຳມະນາ